ପ୍ରଜ୍ଞା ପଟ୍ଟନାୟକ

21/06/2023 at 12:30 PM

ମୁମ୍ବାଇ: ଡ୍ରଗ୍ସ ମାମଲାରେ ବଲିଉଡ ଅଭିନେତା ଶାହରୁଖ ଖାନ, ତାଙ୍କ ପୁଅ ଆର୍ଯ୍ୟନଙ୍କୁ ବୟାନ ରେକର୍ଡ କରିବ ସିବିଆଇ। ଏନସିବି ଭିଜିଲାନ୍ସ ରିପୋର୍ଟରେ ଏହା ପ୍ରକାଶ ପାଇଛି ଯେ ଆର୍ଯ୍ୟନ ଖାନଙ୍କୁ ମୁକ୍ତ କରିବା ପାଇଁ ତାଙ୍କ ପିତା ଶାହାରୁଖ ଖାନଙ୍କଠାରୁ ୨୦ କୋଟି ଟଙ୍କା ଦାବି କରାଯାଇଥିଲା। ପରେ ଏହି ଚୁକ୍ତି ୧୮ କୋଟି ଟଙ୍କା ପାଇଁ ସ୍ଥିର କରାଯାଇଥିଲା। ପ୍ରଥମ କିସ୍ତି ଭାବରେ ୫୦ ଲକ୍ଷ ଟଙ୍କା ନିଆଯାଇଥିଲା। ଏନସିବି ଏହି ପ୍ରସଙ୍ଗରେ ଆର୍ଯ୍ୟନ୍ ଖାନଙ୍କୁ ଏକ କ୍ଲିନ୍ ଚିଟ୍ ଦେଇଛନ୍ତି।

କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) କର୍ଡେଲିଆ କ୍ରୁଜ୍ ଜାହାଜରେ ୨୦୨୧ରେ ନିଶା କାରବାର ସମ୍ପର୍କିତ ଲାଞ୍ଚ ମାମଲାରେ ଅଭିଯୁକ୍ତ ସାମ ଡି’ସୁଜାଙ୍କୁ ପଚରାଉଚରା କରିଥିବା ସୂଚନା ମିଳିଛି। ସୂଚନା ଅନୁଯାୟୀ ଗତ ସପ୍ତାହରେ ସାମ୍‌ଙ୍କୁ ପଚରାଉଚରା ପାଇଁ ଦିଲ୍ଲୀର ସିବିଆଇ କାର୍ଯ୍ୟାଳୟରେ ହାଜର ହେବାକୁ କୁହାଯାଇଥିଲା। ମେ ୧୨ ରେ ଏଜେନ୍ସି ଦ୍ୱାରା ପଞ୍ଜୀକୃତ ହୋଇଥିବା ମାମଲାରେ ତାଙ୍କୁ ସିବିଆଇ ପଚରାଉଚରା କରିଥିଲା।

୨୦୨୧ ଅକ୍ଟୋବର ୩ ରେ କରଡେଲିଆ କ୍ରୁଜ୍ ଜାହାଜରେ ଡ୍ରଗ୍ସ ମାମଲାରେ ଆର୍ଯ୍ୟନ୍‌ଙ୍କୁ ଏନସିବି ଗିରଫ କରିଥିଲା। ଅକ୍ଟୋବର ୨୮, ୨୦୨୧ରେ ବମ୍ବେ ହାଇକୋର୍ଟ ତାଙ୍କୁ ଜାମିନ ପ୍ରଦାନ କରିଥିଲେ। ସେ ୨୫ ଦିନ ଜେଲରେ ରହିଥିଲେ।