Rakul Preet Singh: ସୂର୍ପଣଖା ଭୂମିକାକୁ ନେଇ ଉତ୍ସାହିତ ରକୁଲ ପ୍ରୀତ, କହିଲେ- ଲୋକେ ଠିକ୍ ଭାବେ ତାଙ୍କ ଚରିତ୍ରକୁ ବୁଝିନାହାନ୍ତି
ମୁମ୍ବାଇ: ନିତେଶ ତିୱାରୀଙ୍କ ଆଗାମୀ ଫିଲ୍ମ ‘Ramayana: Rise of a Legend’ରେ ସୂର୍ପଣଖା ଭୂମିକାରେ ନଜର ଆସିବେ ଅଭିନେତ୍ରୀ ରକୁଲ ପ୍ରୀତ ସିଂହ। ଫିଲ୍ମର ଟ୍ରେଲର ରିଲିଜ୍ ପରେ ରଣବୀର କପୁରଙ୍କ ରାମ ରୂପ, ସାଇ ପଲ୍ଲବୀଙ୍କ ସୀତା ଭୂମିକା ଏବଂ ଫିଲ୍ମର ବିଶାଳ ପରିସରକୁ ନେଇ ଚର୍ଚ୍ଚା ହୋଇଥିଲା। ଏହା ସହ ଟ୍ରେଲରରେ ରକୁଲଙ୍କ ସୂର୍ପଣଖା ରୂପ ମଧ୍ୟ ଦର୍ଶକଙ୍କ ଧ୍ୟାନ ଆକର୍ଷଣ କରିଛି।
ନିଜ ଭୂମିକା ବିଷୟରେ କହି ରକୁଲ କହିଛନ୍ତି ଯେ, ସୂର୍ପଣଖା ଏକ ଜଟିଳ ଚରିତ୍ର ଏବଂ ତାଙ୍କୁ ଅନେକ ସମୟରେ ଭୁଲ୍ ଭାବେ ବୁଝାଯାଇଛି। ଏହି ଚରିତ୍ରର ଅନ୍ୟ ଏକ ଦିଗକୁ ପରଦାରେ ଦେଖାଇବାର ସୁଯୋଗ ତାଙ୍କୁ ଏହି ଭୂମିକା ପ୍ରତି ଆକର୍ଷିତ କରିଛି। ପାରମ୍ପରିକ କାହାଣୀରେ ସୂର୍ପଣଖାଙ୍କୁ ଯେଉଁଭଳି ଭାବେ ଦର୍ଶାଯାଇଛି, ତା’ଠାରୁ ଭିନ୍ନ ଭାବେ ତାଙ୍କ ଚରିତ୍ରକୁ ଉପସ୍ଥାପନ କରିବାକୁ ରକୁଲ ଚାହୁଁଛନ୍ତି।
ଫିଲ୍ମରେ ରଣବୀର କପୁର ଭଗବାନ ରାମ ଏବଂ ସାଇ ପଲ୍ଲବୀ ସୀତାଙ୍କ ଭୂମିକାରେ ଅଭିନୟ କରୁଛନ୍ତି। ଟ୍ରେଲରରେ ରକୁଲଙ୍କ ଛୋଟ ଝଲକ ପରେ ତାଙ୍କ ସୂର୍ପଣଖା ଚରିତ୍ରକୁ ନେଇ ଦର୍ଶକଙ୍କ ଆଗ୍ରହ ବଢ଼ିଛି। ଏହି ଜଟିଳ ଚରିତ୍ରକୁ ରକୁଲ କିପରି ପରଦାରେ ଉପସ୍ଥାପନ କରିବେ, ତାହା ଫିଲ୍ମ ରିଲିଜ୍ ପରେ ଜଣାପଡ଼ିବ।
