ଅନ୍ୟ ପିଲାଙ୍କ ପାଇଁ ଦେଉଥିଲେ ନିଟ୍ ପରୀକ୍ଷା; ୪ ଏମ୍ସ ଛାତ୍ର ଗିରଫ
ନୂଆଦିଲ୍ଲୀ: ଦିଲ୍ଲୀ ପୋଲିସ NEET ପରୀକ୍ଷାରେ ଅନ୍ୟ ପିଲାଙ୍କ ସ୍ଥାନରେ ପରୀକ୍ଷା ଦେଉଥିବା ୪ ଜଣ ଛାତ୍ରଙ୍କୁ ଗିରଫ କରିଛି। ଏହି ଖବର ଶୁଣିବା ପରେ ଆପଣଙ୍କୁ ନିଶ୍ଚିତ ମୁନ୍ନା ଭାଇ ଏମ୍ବିବିଏସ୍ ଫିଲ୍ମ କଥା ମନେ ପଡିଯାଇଥିବ। AIIMS ର BSc (ରେଡିଓଲୋଜି, ଦ୍ୱିତୀୟ ବର୍ଷ) ଛାତ୍ର ନରେଶ ବିଶ୍ନୋଇ ଏହି ଗ୍ୟାଙ୍ଗ ଚଳାଉଥିଲେ। ସେ ତାଙ୍କ ଗ୍ୟାଙ୍ଗରେ AIIMS ର BSC (ରେଡିଓଲୋଜି, ପ୍ରଥମ ବର୍ଷ) ଛାତ୍ରମାନଙ୍କୁ ଅନ୍ତର୍ଭୁକ୍ତ କରିଥିଲେ। କିଛି ମାସ ପୂର୍ବରୁ, AIIMS ର ପ୍ରଥମ ବର୍ଷର ଛାତ୍ରମାନେ ସାରା ଦେଶରେ ଅନୁଷ୍ଠିତ ହୋଇଥିବା NEET ପରୀକ୍ଷାରେ ହାଜର ହୋଇଥିଲେ । ଏହାପରେ ତିନୋଟି ସ୍ଥାନରେ ପରୀକ୍ଷା ଦେବା ପ୍ରସଙ୍ଗ ସାମ୍ନାକୁ ଆସିଛି। ଯାହା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ପରୀକ୍ଷା ଦେଇଥିବା ଛାତ୍ରଙ୍କୁ ଗିରଫ କରିଛି ।
ସୋମବାର ସକାଳେ ସେ ଦ୍ୱିତୀୟ ବର୍ଷ ପରୀକ୍ଷା ଦେଉଥିବା ବେଳେ ପୋଲିସ ନରେଶ ବିଶ୍ନୋଇଙ୍କୁ ଗିରଫ କରିଥିଲା। ସଞ୍ଜୁ ଯାଦବ ପ୍ରଥମ ବର୍ଷର BSc, AIIMS ର ରେଡିଓଲୋଜି ଛାତ୍ର, ସେ ଦ୍ୱିତୀୟ ପରୀକ୍ଷା ଦେଉଥିବା ବେଳେ ଧରାପଡିଥିଲେ। ଦୁଇ ଜଣ ଏଆଇଏମ୍ଏସ୍ ଛାତ୍ର ମହାବୀର ଏବଂ ଜିତେନ୍ଦ୍ରଙ୍କୁ ଅନ୍ୟମାନଙ୍କ ବଦଳରେ ନାଗପୁରରେ NEET ପରୀକ୍ଷା ଦେଉଥିବା ବେଳେ ଗିରଫ କରାଯାଇଛି। ତାଙ୍କୁ ମହାରାଷ୍ଟ୍ର ପୋଲିସ ଗିରଫ କରିଥିବା ସୂଚନା ମିଳିଛି।
ପଚରାଉଚରା ବେଳେ ଜଣାପଡିଥିଲା ଯେ ସେ AIIMS ର ଦ୍ୱିତୀୟ ବର୍ଷ ବିଏସସି ଛାତ୍ର ନରେଶ ବିଶ୍ନୋଇଙ୍କୁ ନିର୍ଦ୍ଦେଶରେ ଅନ୍ୟ ଜଣଙ୍କ ବଦଳରେ NEET ପରୀକ୍ଷା ଦେବାକୁ ଯାଇଥିଲେ। ନରେଶ ତାଙ୍କୁ ବିପୁଳ ପରିମାଣରେ ପ୍ରଲୋଭିତ କରିଥିଲେ। ମିଳିଥିବା ସୂଚନା ମୁତାବକ ଯେଉଁ ଛାତ୍ରମାନେ ଅନ୍ୟମାନଙ୍କ ପାଇଁ ପରୀକ୍ଷା ଦେଉଥିଲେ, ସେମାନଙ୍କୁ ନରେଶ ୭ ଲକ୍ଷ ଟଙ୍କାଦେବ ବୋଲି ପ୍ରତିଶ୍ରୁତି ଦେଇଥିଲା । ହେଲେ ପୋଲିସ ଏହି ଘଟଣା ବିଷୟରେ ଜାଣିବା ପରେ ତୁରନ୍ତ ଏହି ଛାତ୍ରମାନଙ୍କ ସହ ନରେଶକୁ ଗିରଫ କରିଛି ।
