ରାଜୀବ ଲୋଚନ ମିଶ୍ର

16/07/2023 at 10:16 PM

ଗୋପାଳପୁର,୧୬/୦୭, ଗୋଳନ୍ଥରା ଥାନା ଅନ୍ତର୍ଗତ ହଳଦିଆପଦର କେଉଟ ସାହିରେ ଏକ ତାଲାବନ୍ଦ ଘରକୁ ଟାର୍ଗେଟ କରାଯାଇ ଚୋରି କରାଯାଇଥିବା ନେଇ ଥାନାରେ ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ ବଳରାମ ପାଢୀ ଶନିବାର ସନ୍ଧ୍ୟାରେ କୌଣସି କାମରେ ସପରିବାର ଘରେ ତାଲା ପକାଇ ବ୍ରହ୍ମପୁର ଚାଲି ଯାଇଥିଲେ।ଆଜି ସକାଳେ ଘରକୁ ଫେରିବା ବେଳେ ଘରର ମୁଖ୍ୟ ଦ୍ବାରର ତାଲା ଭଙ୍ଗା ଯାଇଥିବା ଦେଖି ସନ୍ଦେହ ରେ ଭିତରକୁ ପଶିବା ବେଳେ ଘର ମଧରେ ରହିଥିବା ୩ ଟି ଆଲାମିରା ଭାଙ୍ଗି ୫ ତୋଳା ସୁନା ଅଳଙ୍କାର ସହ ୮ ହଜାର ଟଙ୍କା ଚୋରି ଯାଇଥିବା ଜାଣିବାକୁ ପାଇଥିଲେ।ଘଟଣା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ପୁଲିସ ପକ୍ଷରୁ ସାଇଣ୍ଟିଫିକ ଟିମ୍ ସନ୍ଧାନୀ କୁକୁର ସହାୟତା ରେ ତଦନ୍ତ କରାଯାଇଥିଲା।ଏସ ସହ ଆଖପାଖ ଅଞ୍ଚଳରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରାଯାଇଛି। ତିନୋଟି ଲୋକ ସାଇକେଲ ରେ ଆସି ଚୋରି କରିଥିବା ସିସିଟିଭି ଫୁଟେଜ ରେ ଜଣାପଡିଥିବା ବେଳେ ପୁଲିସ ଏହାକୁ ତଦନ୍ତ ଜାରି ରଖିଥିବା ଜଣାପଡିଛି