ହେମନ୍ତ କୁମାର ବେହେରା8/09/2023 at 8:58 PM
ଖଡ଼ିଆଳ : ନୂଆପଡା ଜିଲା ଲୋୟରଇନ୍ଦ୍ର ଜଳସେଚନ ପ୍ରକଳ୍ପର ବିସ୍ଥାପିତ ମାନେ ସେମାନଙ୍କ ବକେୟା ଥଇଥାନ ଓ କଟଅପ ଡେଟ କୁ ଘୁଞ୍ଚାଇବା ଦାବିରେ ଆଜି ଖଡିଆଳର ଲୋୟର ଇନ୍ଦ୍ର ଜଲସେଚନ ପ୍ରକଳ୍ପ କାର୍ଯ୍ୟାଳୟକୁ ଘେରାଉ କରିଛନ୍ତି,ଆଜି ଜନସଚେତନ ମଂଚ ର ନେତ଼ତ୍ବରେ ୩୦ ଖଣ୍ଡ ଗାଁ ର ଶହ ଶହ ବିସ୍ଥାପିତ ଲୋକ ମାନେ ଖଡିଆଳ ଠାରେ ଏକତ୍ରିତ ହୋଇଥିଲେ,ପରେ ବିରାଟ ଶୋଭାଯାତ୍ରା ରେ ଆସି ଲୋୟରଇନ୍ଦ୍ର କାର୍ଯ୍ୟାଳୟକୁ ଘେରାଉ କରି ଧାରଣା ଦେଇଛନ୍ତି,ଆନ୍ଦୋଲନକାରୀ ମାନେ ରାଜ୍ୟ ସରକାର ନିର୍ଦ୍ଧାରଣ କରିଥିବା କଟ ଅଫ ଡେଟ ୧.୧.୨୦୧୪ ପରିବର୍ତ୍ତେ ୧.୧.୨୦୨୩ କୁ ନିର୍ଦ୍ଧାରଣ କରିବା ପାଇଁ ଦାବି କରିଛନ୍ତି, କାହିଁକିନା ସରକାର ନିର୍ଦ୍ଦିଷ୍ଟ କରିଥିବା କଟଅପ ତାରିଖରେ ଅନେକ ଯୁବକ ଯୁବତୀ ଥଇଥାନ ଟଙ୍କା ପାଇବା ରୁ ବଂଚିତ ହୋଇଛନ୍ତି,ଏହା ବ୍ୟତିତ ବକେୟା ଥଇଥାନ ଟଙ୍କା ପାଇବା ରୁ ଅନେକ ବୁଡି ଅଞ୍ଚଳର ବିସ୍ଥାପିତ ଲୋକମାନେ ବଞ୍ଚିତ ହୋଇଛନ୍ତି,ତେଣୁ କଟଅପ ଡେଟ କୁ ବ଼ଦ୍ଧି କରିବା ପାଇଁ ଦାବୀ କରିଛନ୍ତି ବିସ୍ଥାପିତ। ଏହାପରେ ସ୍ବତନ୍ତ୍ର ଭୁ ଅର୍ଜନ ଅଧିକାରୀ କାଲୁ ମାଝୀଙ୍କୁ ଦାବିପତ୍ର ପ୍ରଦାନ କରାଯାଇଥିଲା ଓ ସେ ଏନେଇ ଅତିଶୀଘ୍ର ନିଷ୍ପତ୍ତି ନିଆଯିବ ବୋଲି କହିଥିଲେ।ଏହି କାର୍ଯ୍ୟକ୍ରମରେ ବିଜେପି ନେତ୍ରୀ ସୁନୀତି ମୁଣ୍ଡ, ପୂର୍ବତନ ବିଧାୟକ ହିତେଶ ବଗର୍ତ୍ତି,ମଞ୍ଚ ସଭାପତି ନିଲକଣ୍ଠ ପ୍ରଧାନ, ସମ୍ପାଦକ କିଶୋର କଠାର ସମେତ ଶତାଧିକ ବିସ୍ଥାପିତ ସାମିଲ ହୋଇଥିଲେ ।