ଜଗନ୍ନାଥ ନାଏକ2/12/2023 at 3:07 PM
କଳାହାଣ୍ଡି, ୦୨/୧୨ (ଜଗନ୍ନାଥ ନାଏକ) : ଭବାନୀପାଟଣା ସହର ଅନ୍ତର୍ଗତ. ପୁରୁଣାପଡ଼ା ସ୍ଥିତ ଶ୍ରୀ ଶ୍ରୀ ରାଧାକୃଷ୍ଣ ଜୀଊଙ୍କ ମନ୍ଦିର ଭୋଗ ମଣ୍ଡପରେ ମନ୍ଦିର ସମୂହ ସମନ୍ୱୟ ସମିତିର ଏକ ବୈଠକ ଅନୁଷ୍ଠିତ ହୋଇଥିଲା l ରାଧାକୃଷ୍ଣ ମନ୍ଦିର ଟ୍ରଷ୍ଟି କୈଳାଶ ଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ମନ୍ଦିର ମାଳିନୀ ପୁରୁଣା ପଡାର ମୁଖ୍ୟ ପ୍ରବେଶ ଦ୍ୱାର କୁହାଯାଉଥିବା ତହସିଲ କାର୍ଯ୍ୟାଳୟ ନିକଟରେ ଏକ ସୁଦୃଶ୍ୟ ଗେଟ ନିର୍ମାଣ କରିବାକୁ ନିଷ୍ପତ୍ତି ନିଆଯାଇଛି l ପୁଣି ଦୀର୍ଘବର୍ଷ ଧରି ଶବରପଡ଼ାରେ ହେଇ ଆସୁଥିବା ରଥଯାତ୍ରାର ସମୀକ୍ଷା କରି ପ୍ରଭୁ ଜଗନ୍ନାଥଙ୍କ ସ୍ଥାୟୀ ମନ୍ଦିରଟିଏ ନିର୍ମାଣ କରାଯିବାକୁ ସଭାରେ ଦୃଢ଼ ମତ ପ୍ରକାଶ ପାଇଥିଲା l ଆଲୋଚନାରେ ନିରଞ୍ଜନ ପ୍ରଧାନ, ସିଦ୍ଧାର୍ଥ ନାୟକ, ମହେଶ୍ୱର ପ୍ରଧାନ, ମୋହନ ଆଚାର୍ଯ୍ୟ, ପରୀକ୍ଷିତ ବିଶ୍ୱାଳ, ଇନ୍ଦ୍ରଜିତ ମହାକୁଡ଼ ପ୍ରମୁଖ ଭାଗ ନେଇଥିଲେ l ଶେଷରେ କମ୍ବୁପାଣି ପରିଛା ଧନ୍ୟବାଦ ଅର୍ପଣ କରିଥିଲେ l