ଜଗନ୍ନାଥ ନାଏକ25/12/2023 at 3:58 PM
କଳାହାଣ୍ଡି, ୨୫/୧୨ (ଜଗନ୍ନାଥ ନାଏକ) : କଳାହାଣ୍ଡି ର ଜଣେ ଉଚ୍ଚ ଶିକ୍ଷିତ ସୁପରିଚିତ ଯୁବ ପ୍ରତିଭା ଶ୍ରୀଯୁକ୍ତ ସତ୍ୟବ୍ରତ ଦାଶ l ସଂଗୀତ କ୍ଷେତ୍ର ରେ ସେ ବହୁବାର ରାଜ୍ୟ ଏବଂ ଜାତୀୟ ସ୍ତରରେ ପୁରସ୍କୃତ ହୋଇ ଜିଲ୍ଲା କୁ ଗୌରବ ସାଉଁଟି ଆଣିଛନ୍ତି l ସେ ଏକାଧାରରେ ଶାସ୍ତ୍ରୀୟ ତବଲା ରେ ଅଳଙ୍କାର ଉତୀର୍ଣ୍ଣ ଏବଂ ଲୋକ ସଂଗୀତ ରେ ତାଙ୍କର ପାରଦର୍ଶିତା ସମସ୍ତଙ୍କୁ ଅବାକ କରିଥାଏ l ବାଦ୍ୟଯନ୍ତ୍ରରେ ତାଙ୍କର ଯାଦୁକରୀ ଆଙ୍ଗୁଠି ଚାଳନା ଦର୍ଶକଙ୍କୁ ବିମୋହିତ କରିଥାଏ l ଏତିକି ନୁହଁ ସେ ଜଣେ ଆକାଶବାଣୀ ଏବଂ ଦୂରଦର୍ଶନ ର ସ୍ୱୀକୃତି ପ୍ରାପ୍ତ ବରିଷ୍ଠ କଳାକାର l ରାଜ୍ୟ ଏବଂ ଜାତୀୟ ସ୍ତରର ବିଭିନ୍ନ ମଞ୍ଚ ତାଙ୍କ କଳା ପ୍ରଦର୍ଶନ ନିମନ୍ତେ ତାଙ୍କୁ ସମ୍ମାନିତ କରିଆସୁଛନ୍ତି l ତାଙ୍କ ରଚନା ଓ ସଂଗୀତ ନିର୍ଦେଶନା ରେ ବହୁ ଗୀତ ବାରମ୍ବାର ଲୋକପ୍ରିୟତା ଆଣିଦେଇଛି l ଏଣୁ ତାଙ୍କୁ ଆସନ୍ତା ତା 27-12-2023 ରିଖ ଦିନ ଭୁବନେଶ୍ୱର ଜୟଦେବ ଭବନ ଠାରେ “ୱାର୍ଲଡ ଚାରିଟି ୱେଲଫେୟାର ଫାଉଣ୍ଡେସନ “ତରଫରୁ ପ୍ରାଇଡ ଅଫ ଓଡିଶା ସମ୍ମାନ ରେ ସମ୍ମାନିତ କରାଯିବ l