କେରଳ ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ
ନୂଆଦିଲ୍ଲୀ: ଭୀଷଣ ଗରମ ଏବଂ ହିଟୱେଭ ମଧ୍ୟରେ ଆସିଛି ଆଶ୍ୱସ୍ତିକର ଖବର । କେରଳ ଛୁଇଁଲା ମୌସୁମୀ ବାୟୁ । ଏ ନେଇ ଗୁରୁବାର ସୂଚନା ଦେଇଛି ଭାରତୀୟ ପାଣିପାଗ ବିଭାଗ(ଆଇଏମଡି) । ବିଭାଗ କହିଛି ଯେ, ଦକ୍ଷିଣ-ପଶ୍ଚିମ ମୌସୁମୀ ବାୟୁ ଗୁରୁବାର କେରଳରେ ପ୍ରବେଶ କରିଛି । ଏହା ପୂର୍ବୋତର ଭାରତର ଅଧିକାଂଶ ଅଞ୍ଚଳ ଅଭିମୁଖେ ଅଗ୍ରସର ହେଉଛି ।
ପାଣିପାଗ ବିଭାଗ ଅନୁଯାୟୀ, ଏଥର ସୌସୁମୀ ସମୟ ପୂର୍ବରୁ କେରଳରେ ପହଞ୍ଚିଛି । ପ୍ରଭାବରେ କେରଳରେ ଜୋରରେ ପବନ ବହିବା ସହିତ ପ୍ରବଳ ବର୍ଷା ଜାରି ରହିଛି । କିଛି ଦିନ ପୂର୍ବେ ଆସିଥିବା ବାତ୍ୟା ରେମାଲ ଯୋଗୁଁ ମୌସୁମୀ ବାୟୁ ଶୀଘ୍ର ପହଞ୍ଚି ଯାଇଛି । ଚଳିତ ବର୍ଷ ମେ ୩୧ରେ କେରଳରେ ମୌସୁମୀ ଛୁଇଁବ ବୋଲି ପୂର୍ବାନୁମାନ କରିଥିଲା ପାଣିପାଗ ବିଭାଗ ।
Southwest Monsoon has set in over Kerala and advanced into most parts of Northeast India today, the 30th May, 2024.@moesgoi @KirenRijiju @Ravi_MoES @ndmaindia @WMO @DDNational @airnewsalerts @PMOIndia
— India Meteorological Department (@Indiametdept) May 30, 2024
ଗତ କିଛି ଦିନ ହେବ କେରଳରେ ପ୍ରବଳ ବର୍ଷା ସହ ମୌସୁମୀ ବାୟୁ ପ୍ରବେଶ କରିସାରିଥିଲା। ଜୁନ ଶେଷ ସୁଦ୍ଧା ମୌସୁମୀ ଦିଲ୍ଲୀ ଛୁଇଁପାରେ । ସାଧାରଣତଃ ରାଜଧାନୀରେ ଏହା ଜୁନ ୨୭ ପାଖାପାଖି ପ୍ରବେଶ କରିଥାଏ । ଓଡିଶାରେ ମୌସୁମୀ ଜୁନ ୧୦ ତାରିଖ ସୁଦ୍ଧା ପହଞ୍ଚିପାରେ ବୋଲି ଅନୁମାନ କରାଯାଉଛି । କୃଷି ପ୍ରଧାନ ରାଷ୍ଟ୍ର ଭାରତ ପାଇଁ ମୌସୁମୀ ବେଶ୍ ଗୁରୁତ୍ୱପୂର୍ଣ।
