ଓଡ଼ିଶା ଡଟ୍ ନ୍ୟୁଜ୍

25/06/2024 at 11:50 AM

ମହାରାଷ୍ଟ୍ର: ବିବାହ ସରିବା ପରେ ବରକନ୍ୟା ସହ ବରଯାତ୍ରୀ ଖୁସିରେ ଖୁସିରେ ଏକ ବସରେ ଘରକୁ ଫେରୁଥିଲେ । ହଠାତ ରାସ୍ତାରେ ବସରେ ଲାଗି ଯାଇଥିଲା ନିଆଁ । ଚାହୁଁ ଚାହିଁ ନିଆଁ ପୂରା ବସକୁ ବ୍ୟାପି ଯାଇଥିଲା । ତେବେ କୌଣସି ପ୍ରକାରେ ବରବନ୍ୟା ଓ ବରଯାତ୍ରୀ ବସରୁ ପଦାକୁ ବାହାରି ଆସିବାକୁ ସକ୍ଷମ ହୋଇଲେ । ହେଲେ ଯୌତୁକ ସାମଗ୍ରୀ ବସ୍ ସହ ଜଳି ପୋଡି ପାଉଁଶ ହୋଇଗଲା । ଏମିତି ଘଟଣା ଘଟିଛି ମହାରାଷ୍ଟ୍ରର ବୁଲଢାଣା ଜିଲ୍ଲାରେ ।

ମିଳିଥିବା ସୂଚନା ଅନୁସାରେ ବସଟି ଚନ୍ଦ୍ରପୁରରୁ ବୁଲଢାଣା ଫେରୁଥିଲା । ବାଟରେ ବସ୍‌ରୁ ଧୂଆଁ ବାହାରିବାକୁ ଲାଗିଲା । ଏହାଦେଖି ଡ୍ରାଇଭର ରାସ୍ତା ପାର୍ଶ୍ୱରେ ଗାଡ଼ିକୁ ଛିଡ଼ା କରାଇ ଦେଇଥିଲେ । ହେଲେ ସେତେବେଳକୁ ବସରେ ନିଆଁ ଲାଗି ସାରିଥିଲା । ଏହା ଦେଖିବା ପରେ ତୁରନ୍ତ ବସ୍‌ରୁ ସମସ୍ତ ଯାତ୍ରୀଙ୍କୁ ଓହ୍ଲାଇ ଦିଆଯାଇଥିଲା । ଆଖି ପିଛୁଳାକେ ବସ୍‌ଟି ହୁତୁହୁତୁ ହୋଇ ଜଳିବାକୁ ଲାଗିଲା ।

ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ମାତ୍ର ସେତେବେଳକୁ ବସ୍‌ ସହ ସେଥିରେ ଥିବା ସମସ୍ତ ଜିନିଷ ପାଉଁଶ ହୋଇଯାଇଥିଲା।