ସୌମିତ୍ରି ମେହେର10/10/2024 at 3:42 PM
ଉଲୁଣ୍ଡା : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ କୁମାର କେଳି ଉଚ୍ଚ ପ୍ରାଥମିକ ବିଦ୍ୟାଳୟ ଜୁନିଅର ରେଡକ୍ରସ ୟୁନିଟ ଛାତ୍ରଛାତ୍ରୀ ଙ୍କୁ ନେଇ ଏକ ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏଥିରେ ଏସ୍ ଆଇ ଭି ଏଡ଼ସ ର କାରଣ ଓ ନିରାକରଣ ଉପରେ ଆଲୋଚନା କରାଯାଇଥିଲା I ଏଚ୍ ଆଇ ଭି ଗ୍ରସ୍ତ ରୋଗୀର ଜୀବନ ଶୈଳୀ ସଙ୍ଗେ ଏଥିରେ ସମାଜର ଭୂମିକା ଉପରେ ଛାତ୍ରଛାତ୍ରୀ ଙ୍କୁ ପ୍ରଶିକ୍ଷଣ ଦିଆଯାଇଛି l ବିଶେଷ କରି ଏବେ ଯୁବକ ଯୁବତୀ ମାନେ ଏଡସ ରେ ଆକ୍ରାନ୍ତ ହେଉଥିବା ଦେଖିବାକୁ ମିଳେ I ତେଣୁ ବିଦ୍ୟାଳୟ ସ୍ତରରୁ ରେଡ୍ ରିବନ କ୍ଲବ ଅନ୍ତର୍ଗତ କିଶୋର କିଶୋରୀ , ବାଳକ ବାଳିକା ମାନଙ୍କୁ ସଚେତନ କରି ଏକ ସୁସ୍ଥ ସମାଜ ଗଠନ ଦିଗରେ ସେମାନଙ୍କ ସକ୍ରିୟ ଭୂମିକା କୁ ନିଶ୍ଚିତ କରିବା ଲକ୍ଷ୍ୟରେ ଲଗେଇ ଆସିଛି ସୁବର୍ଣ୍ଣପୁର ଜିଲ୍ଲା ଜୁନିଅର ରେଡକ୍ରସ I ଜିଲ୍ଲା ଶିକ୍ଷl ଅଧିକାରୀ ଲକ୍ଷ୍ମଣ ଭୋଇ , ଅତିରିକ୍ତ ଜିଲ୍ଲା ଶିକ୍ଷାଧିକାରୀ ତଥା ଯେଆରସି ସମ୍ପାଦକ ମଞ୍ଜୁ ଲତା ଭୋଇ ଓ ରବି ଚନ୍ଦ୍ର ପଶାୟତ ଙ୍କ ମାର୍ଗ ଦର୍ଶନ ରେ ବିଦ୍ୟାଳୟ ପ୍ରଧାନ ଶିକ୍ଷକ ହୃଷୀକେଶ ଚାନ୍ଦ , ସତ୍ୟ ନାରାୟଣ ମେହେର ପ୍ରମୁଖ ପ୍ରଶିକ୍ଷାର୍ଥୀ ମାନଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ l