ସୌମିତ୍ରି ମେହେର14/10/2024 at 11:39 AM
ବୀରମହାରାଜପୁର : (ସୌମିତ୍ରି ମେହେର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ କର୍ଡlପାଳ ମାହେଶ୍ୱରୀ ମନ୍ଦିର ସ୍ନାନ ଯାତ୍ରା ଓ ବାଡ଼ିଖେଳ ଅବସରରେ ରାବଣ ଦରବାର ଅନୁଷ୍ଠିତ ହୋଇଯାଇଛି l ରବିବାର ଶେଷ ଦିବସରେ ରାବଣ ବଧ ସହିତ ରାବଣ ପୋଡି ଉତ୍ସବ ଅନୁଷ୍ଠିତ ହୋଇଥିଲା l ବିଶିଷ୍ଟ ନାରୀନେତ୍ରୀ ରାଷ୍ଟୀୟ କୃଷକ ସଂଗଠନ ର ସଂଯୋଜିକା ସୋନାଲି ବିଶି ମୁଖ୍ୟ ଅତିଥି ଭାବେ ଯୋଗଦେଇ ସାଂସ୍କୁତିକ ବାର୍ତ୍ତା ପ୍ରଦାନ କରିଥିଲେ I ଅନ୍ୟମାନଙ୍କ ମଧ୍ୟରେ ସମାଜସେବୀ କିଶୋର ହୋତା , ଶିକ୍ଷାବିତ ନାରାୟଣ ଦେହୁରୀ , ଗୁଣନିଧି ମହାକୁର ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇ ଶୁଭେଚ୍ଛା ବାର୍ତ୍ତା ପ୍ରଦାନ କରିଥିଲେ l ବରିଷ୍ଠ କଳାକାର ପ୍ରଫୁଲ୍ଲ କୁମାର ମେହେର ରାବଣ ଭୂମିକା , ସୁବାସ ଚନ୍ଦ୍ର ଦେହେରୀ ରାମ, ଆରକ୍ଷିତ ଦେହେରୀ ଲକ୍ଷ୍ମଣ ଭୂମିକା ରେ ନିଖୁଣ ଅଭିନୟ ଦର୍ଶକ ମାନଙ୍କୁ ବାନ୍ଧି ରଖିଥିଲା l ଯାତ୍ରା କମିଟି ସଭାପତି ବିଶ୍ୱବାସ ହୋତା ଙ୍କ ଉଦ୍ୟମ କ୍ରମେ ୩ବର୍ଷ ଧରି ଧୁମଧାମ ରେ କାର୍ଯ୍ୟକ୍ରମ ଅନୁଷ୍ଠିତ ହୋଇଆସୁଛି l ଉକ୍ତ ମଞ୍ଚ କାର୍ଯ୍ୟକ୍ରମ କୁ ପ୍ରଶାନ୍ତ ପଣ୍ଡା ଏବଂ ପ୍ରଦ୍ୟୁମ୍ନ ହୋତା ପରିଚାଳନା କରିଥିଲେ l ରାବଣ ଦରବାର ସାଙ୍ଗକୁ ରେକର୍ଡ ଡେନ୍ସ ବେଶ ମନଛୁଆଁ ହୋଇ ପାରିଥଲା l ଉକ୍ତ କାର୍ଯ୍ୟକ୍ରମ ରେ ରାଧାନାଥ ହୋତା , ଶେଷଦେବ ସାମଲ , ସନତ ହୋତା , ନରେନ୍ଦ୍ର ଭୋଇ , ଅକ୍ରୁର ନାଏକ , ଗଣେଶ ମିଶ୍ର ପ୍ରମୁଖ ସହଯୋଗ କରିଥିଲେ l