ସୌମିତ୍ରି ମେହେର29/10/2024 at 5:06 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ କେନଝିରିଆପାଲି ଆୟୁଷ୍ମାନ ଆରୋଗ୍ୟ ମନ୍ଦିର ଠାରେ ସୋମବାର ଆୟୁଷ୍ମାନ ଆରୋଗ୍ୟ ଶିବିର ଅନୁଷ୍ଠିତ ହୋଇଯାଇଛି l ଏହି ଶିବିରରେ ଆୟୁଷ ମେଡିକାଲ ଅଫିସର ଡକ୍ଟର ନିରୁପମା ମହାପାତ୍ର ଯୋଗଦେଇ ଗ୍ରାମାଞ୍ଚଳରେ ରହୁ ଥିବା ଲୋକ ମାନଙ୍କର ଉଚ୍ଚ ରକ୍ତଚାପ , ମଧୁମେହ , ଥଣ୍ଡା , କାଶ , ମ୍ୟାଲେରିଆ ତଥା ଥଣ୍ଡାଜ୍ଵରର ଚିକିତ୍ସା କରିଥିଲେ I ଏହି ଶିବିରରେ ୬୦ରୁ ଉର୍ଦ୍ଧ୍ଵ ରୋଗୀଙ୍କୁ ପରୀକ୍ଷା କରାଯାଇ ଔଷଧ ବଣ୍ଟନ କରାଯାଇଥିଲା l ଏହି ଆରୋଗ୍ୟ ଶିବିର ରେ ବହୁମୁଖୀ ସ୍ୱାସ୍ଥ୍ୟ କର୍ମୀ ଗିରିଧାରୀ ସାହୁ ଓ ଅଳକା ମହାକୁର ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ସମେତ କେନଝିରିଆପାଲି ପଂଚାୟତ ର ସମସ୍ତ ଆଶାକର୍ମୀ ଓ ଅଙ୍ଗନୱାଡି କର୍ମୀ ମାନେ ଯୋଗ ଦେଇଥିଲେ l