ସୌମିତ୍ରି ମେହେର6/11/2024 at 11:13 AM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଳକ ଖଣ୍ଡହତା ପଞ୍ଚାୟତ ଅନ୍ତର୍ଗତ ଦେଉଳଝରି ସ୍ଥିତ ସିଦ୍ଧେଶ୍ଵର ପିଠ ଠାରେ ସୁବର୍ଣ୍ଣ ସମ୍ବଲ ମହୋତ୍ସବ ଉଦଯାପିତ ହୋଇଯାଇଛି l ଏ ଅବସରରେ ରୁମକୁଝୁମନା ତରଫରୁ ପ୍ରବଚନ ଓ ଭଜନ ମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I ସଂଗୀତ ନିର୍ଦେଶକ ଶାଶ୍ୱତ କୁମାର ତ୍ରିପାଠୀ ଙ୍କ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମ ରେ ଡ଼ ପ୍ରଫୁଲ୍ଲ କୁମାର ରଥ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ , ସମାଜସେବି ଦିଲ୍ଲୀପ କୁମାର ତ୍ରିପାଠୀ , ଅଭିନେତା ସୁଦାମ ବିଶି , ଅଭିନେତା ଭାଗିରଥି ମିଶ୍ର , ଅଭିନେତା ଅରୁଣ କରସେଲ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ । ଦେଉଳଝରୀ ସନ୍ଥ ମନୋହର ଦାଶ ଙ୍କ ପୂଜାର୍ଚ୍ଚନା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା । ପ୍ରଥମେ ଶାନ୍ତନୁ ପ୍ରଧାନ ସ୍ୱାଗତ ଭାଷଣ ଦେଇଥିଲେ । ପରେ ସ୍ଥାନୀୟ କଳାକାର ଘାଣ୍ଟୁ ଘିବଲା , କୁଞ୍ଜବିହାରୀ ପ୍ରଧାନ , ମିନକେତନ ପ୍ରଧାନ , ଠାକୁର ସାହୁ , କୁନ୍ତଳା ଦେହୁରୀ ଙ୍କ ସହ ଅତିଥି କଳାକାର ସସ୍ମିତା ପରମଗୁରୁ , ସନ୍ତାନୁ ମୁନ୍ନା , ସୌଭାଗ୍ୟଲଷ୍ମୀ ଦାଶ ଙ୍କୁ ଏହି ଅବସରରେ ସମ୍ମାନିତ କରାଯାଇଥିଲା । ଦୁଃଖିଶ୍ୟାମ ପ୍ରଧାନ ମହୋତ୍ସବ ର ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଆନନ୍ଦ ପ୍ରଧାନ ଧନ୍ୟବାଦ ଦେଇଥିଲେ । ରାମା ନାଏକ , ପବିତ୍ର ପ୍ରଧାନ , ଲଳିତ କର୍ଣ ପ୍ରମୁଖ ସହଯୋଗ କରିଥିଲେ। ସୁବର୍ଣ୍ଣପୁର ଓ ସମ୍ବଲପୁର ଜିଲ୍ଲା ସୀମାରେ ଥିବା ଦେଉଳଝରୀ କୁ ପର୍ଯଟନ ମାନ୍ୟତା ଦେବାପାଇଁ ସାଧାରଣରେ ଦାବି ହେଉଛି ।