ସୌମିତ୍ରି ମେହେର12/11/2024 at 11:43 AM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ସରକାରୀ ୟୁପି ସ୍କୁଲ୍ ର ସପ୍ତମ ଶ୍ରେଣୀର ଛାତ୍ରୀ ପୂଜାରାଣୀ ବେହେରା ରାଜ୍ୟ ସ୍ତରୀୟ ସୁରଭି ରେ ଅଂଶ ଗ୍ରହଣ କରିବେ। ସେ ସୃଜନଶୀଳ ଲିଖନ ରେ କନିଷ୍ଠ ବର୍ଗ ରେ ଅଂଶ ଗ୍ରହଣ କରିବେ। ପୂଜାରାଣୀ କ୍ଳଷ୍ଟର ସ୍ତରୀୟ,ବ୍ଲକ ସ୍ତରୀୟ ଓ ଜିଲ୍ଲା ସ୍ତରୀୟ ସୁରଭି ରେ ସୃଜନଶୀଳ ପ୍ରତିଯୋଗିତାରେ ପ୍ରଥମ ହୋଇ ରାଜ୍ୟ ସ୍ତରୀୟ ସୁରଭି ରେ ଅଂଶ ଗ୍ରହଣ କରିବାକୁ ଯୋଗ୍ୟ ବିବେଚିତ ହୋଇଛନ୍ତି। ନଭେମ୍ବର ୧୨ ତାରିଖ ରୁ ୧୪ ତାରିଖ ପର୍ଯ୍ୟନ୍ତ ଭୁବନେଶ୍ୱର ୟୁନିଟ -୯ ସ୍ଥିତ କ୍ୟାପିଟାଲ ହାଇସ୍କୁଲ ରେ ହେବାକୁ ଥିବା ରାଜ୍ୟ ସ୍ତରୀୟ ସୁରଭି ରେ ଅଂଶ ଗ୍ରହଣ ପାଇଁ ଯାଇଛନ୍ତି। ଏନେଇ ପୂଜାରାଣୀ ଙ୍କୁ ଅମରପାଲି ସରକାରୀ ୟୁପି ସ୍କୁଲ ରେ ଏକ ସମ୍ବର୍ଦ୍ଧନା ସଭା ରେ ସମ୍ବର୍ଦ୍ଧିତ କରାଯାଇଛି । ପ୍ରଧାନ ଶିକ୍ଷକ ଦୁଃଖୀଶ୍ୟାମ ଭୋଇ , ଶିକ୍ଷକ ପ୍ରାଣବନ୍ଧୁ ସାହୁ , ଯଦୁମଣି ବାଘ , ତପକିରଣ ସାହୁ,ଶୁଭାଶିଷ ମିଶ୍ର, ରାଜୀବ ଦୀପ , ପ୍ରଦୀପ ଜଗଦଲା , ଅମୂଲ୍ୟ ମହାରଣା , ଶିକ୍ଷୟିତ୍ରୀ ଆନନ୍ଦିନି ପ୍ରଧାନ ଙ୍କ ସମେତ ସ୍କୁଲ ପରିଚାଳନା କମିଟିର ସଭାପତି ବିଷ୍ଣୁ ଚରଣ ଧଳ, ପଞ୍ଚଶଖା ଶିକ୍ଷା ସେତୁ ର ସଭାପତି ପୀତାମ୍ବର ସାହୁ ପ୍ରମୁଖ ଶୁଭେଚ୍ଛା ପ୍ରଦାନ କରିଛନ୍ତି।