ସୌମିତ୍ରି ମେହେର23/11/2024 at 9:21 AM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟlଳୟ ଅନ୍ତର୍ଭୁକ୍ତ କେନଝିରିଆପାଲି କ୍ଲଷ୍ଟର୍ ସ୍ତରୀୟ ବୈଠକ ଖଇରମାଲ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ସିଆରସିସି ବିନୟ କୁମାର ବିଶ୍ୱାଳ ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ବୈଠକରେ କେନଝିରିଆପାଲି କ୍ଲଷ୍ଟର୍ ଅନ୍ତର୍ଗତ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ I ଖଇରମlଲ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ କରୁଣାକର ବିଶି ଆନୁଷ୍ଠାନିକ ଭାବେ ବୈଠକର ଶୁଭ ଉଦ୍ଘାଟନ କରିଥିଲେ । ବୈଠକରେ ନଭେମ୍ବର ମାସର ଶୈକ୍ଷିକ କ୍ୟାଲେଣ୍ଡର , ନମୂନା ପାଠ ଯୋଜନା , ଜାତୀୟ ଉପଲବ୍ଧି ସର୍ବେକ୍ଷଣ ଏବଂ ମାନ ନିର୍ଦ୍ଧାରଣ ଟ୍ରାକର ରେଜିଷ୍ଟର ଉପରେ ଆଲୋଚନା ହୋଇଥିଲା l ବୈଠକରେ କରୁଣା କର ବିଶି , ଦଣ୍ଡଧର ପାତ୍ର , ନବୀନ ସୁନ୍ଦର ଜଗଦଳା , ସ୍ୱର୍ଣ୍ଣଲତା ସାହୁ , ରବୀନ୍ଦ୍ର ନାଥ ସାହୁ , ସଞ୍ଜୟ କୁମାର ମିଶ୍ର , ବିଭୀଷଣ ବିଶ୍ୱାଳ, ହରିଶଙ୍କର ରଣା , ଜଟାଧାରୀ ଖୁରା , ଜଗଦିଶ ପ୍ରଧାନ , ଚତୃଭୁଜ ଭୋଇ ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଆଲୋଚନାରେ ଅଂଶଗ୍ରହଣ କରିଥିଲେ । ଶେଷରେ ବଲିପାଲି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସ୍ବର୍ଣ୍ଣ ଲତା ସାହୁ ଧନ୍ୟବାଦ ଅର୍ପଣ କରିଥିଲେ ।