ସୌମିତ୍ରି ମେହେର27/11/2024 at 7:18 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ଭଗବାନ ସାହୁ ଖେଳ ପଡିଆରେ ଫ୍ରେଣ୍ଡସ୍ କ୍ଳବ୍ ଓ ଜେମସ୍ ଷ୍ଟାର କ୍ଲବ ର ମିଳିତ ଆନୁକୁଲ୍ୟରେ ୩୧ତମ ଅମରପାଲି କ୍ରିକେଟ କପ୍ ଆଜି ଉଦଘାଟିତ ହୋଇଯାଇଛି । ଟୁର୍ଣ୍ଣାମେଣ୍ଟ ପରିଚାଳନା କମିଟିର ସଭାପତି ବିମ୍ବାଧର ସାହୁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଉଦଘାଟନୀ ଉତ୍ସବରେ ବହଳପଦର କେ.ଏଲ ରେଞ୍ଜ ଅଧିକାରୀ ମାନସ କୁମାର ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ l ସ୍ଥାନୀୟ ହାଇସ୍କୁଲ ର ପ୍ରଧାନ ଶିକ୍ଷକ ଉମେଶ ଚନ୍ଦ୍ର ପଣ୍ଡା , ଆୟୋଜକ ସମ୍ପାଦକ କହ୍ନେଇ ଚରଣ ପ୍ରଧାନ , କ୍ରୀଡାବିତ ନିର୍ମଳ ଚନ୍ଦ୍ର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଟୁର୍ଣ୍ଣାମେଣ୍ଟ କୁ ଉଦଘାଟନ କରିଥିଲେ । ଉଦଘାଟନୀ ମ୍ୟାଚ୍ ଟି ଲୁତୁରପଙ୍କ ଓ କୁଞ୍ଜାପାଲି ମଧ୍ୟରେ ହୋଇଥିଲା । ଏଥିରେ କୁଞ୍ଜାପାଲି ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୭ ଉଇକେଟ ହରାଇ ୧୦୬ ରନ କରିଥିଲା । ଜବାବରେ ଲୁତୁରପଙ୍କ ଦଳ ନିର୍ଦ୍ଧାରିତ ୧୦ ଓଭର ରେ ୭ ଉଇକେଟ ହରାଇ ୯୭ ରନ କରି ପରାସ୍ତ ହୋଇଥିଲା । ଦ୍ଵିତୀୟ ମ୍ୟାଚ୍ ଟି ତ୍ରୀବଣପୁର ଓ ଡାହୁଣିପାଲି ମଧ୍ୟରେ ହୋଇଥିଲା । ଏଥିରେ ତ୍ରୀବଣପୁର ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୭ ଉଇକେଟ ହରାଇ ୧୦୪ ରନ କରିଥିଲା । ଜବାବରେ ଡାହୁଣିପାଲି ଡଳ ଆବଶ୍ୟକୀୟ ୧୦୫ରନ କୁ ୯.୫ ଓଭର ରେ ୫ ଉଇକେଟ ହରାଇ ସଂଗ୍ରହ କରି ବିଜୟୀ ହୋଇଥିଲା । ତୃତୀୟ ମ୍ୟାଚ୍ ଟି ପ୍ରଥମ ମ୍ୟାଚ୍ ର ବିଜେତା କୁଞ୍ଜାପାଲି ଓ ଦ୍ଵିତୀୟ ମ୍ୟାଚ୍ ର ବିଜେତା ଡାହୁଣିପାଲି ମଧ୍ୟରେ ହୋଇଥିଲା । ଏଥିରେ ଡାହୁଣିପାଲି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୭ ଓଭର ରେ ୫ ଉଇକେଟ ହରାଇ ୧୧୭ରନ କରିଥିଲା। ଜବାବରେ କୁଞ୍ଜାପାଲି ଦଳ ନିର୍ଦ୍ଧାରିତ ୭ ଓଭର ରେ ସମସ୍ତ ଉଇକେଟ ହରାଇ ୬୩ ରନ କରି ପରାସ୍ତ ହୋଇଥିଲା । ପୀତାମ୍ବର ସାହୁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ପୁରସ୍କାର ବିତରଣି ଉତ୍ସବରେ ଭାଜପା ମଣ୍ଡଳ ସାଧାରଣ ସମ୍ପାଦକ ଅଶୋକ କୁମାର ସାହୁ, କ୍ରୀଡା ସଂଗଠକ ସୁଶିଲ ପ୍ରଧାନ , ନାରାୟଣ ପ୍ରଧାନ , ବିମ୍ବାଧର ସାହୁ ପ୍ରମୁଖ ଅତିଥି ଭାବେ ଯୋଗଦେଇ ଡାହୁଣିପାଲି ର ଅନିଲ ପ୍ରଧାନ ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରିଥିଲେ । ମ୍ୟାଚ୍ ଗୁଡିକରେ ସୁରେଶ ବିଶି , ପ୍ରବୀଣ ଦାସ , ସବ୍ୟସାଚୀ ବଘାର , ସମ୍ବିତ ମାଝୀ ଆମ୍ପାୟର , ଶୁଭେନ୍ଦୁ ଶେଖର ସାହୁ ସ୍କୋରର , ଅଂଶୁମାନ ପ୍ରଧାନ ଅନ ଲାଇନ ସ୍କୋରିଙ୍ଗ ଏବଂ ସୁଶିଲ ସାହୁ,ପ୍ରାଣବନ୍ଧୁ ସାହୁ ଏବଂ ପୀତାମ୍ବର ସାହୁ ଧାରବିବରଣୀ ପ୍ରଦାନ କରିଥିଲେ l