ସୌମିତ୍ରି ମେହେର29/11/2024 at 5:56 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ଗ୍ରାମରେ ହାତୀ ଉପଦ୍ରବ ଦେଖା ଦେଇଛି l ହାତୀ ପଲ ଚାଷୀମାନଙ୍କ ଧାନ ଫସଲ ନଷ୍ଟ କରିଦେଇ ଥିବା ଜଣାପଡିଛି l ସୂଚନା ଅନୁସାରେ ଏକ ୨୧ ଟିକିଆ ହାତୀ ପଲ ରେଢ଼ାଖୋଲ ଅଞ୍ଚଳ ରୁ ଗୁଦଗୁଦା ଦେଇ ଅମରପାଲି ଗ୍ରାମରେ ପ୍ରବେଶ କରିଥିଲେ l ଚାଷୀ ମାନେ ଗଦାକରି ରଖିଥିବା ଧାନକୁ ହାତୀ ପଲ ଦଳି ଚକଟି ନଷ୍ଟ କରିଦେଇ ଥିବା ଅଭିଯୋଗ ହେଉଛି l ଅମରପାଲି ର ବିଶ୍ୱ କମିଲ ଧାନ ଚାଷ କରିଥିବା ୨ ଏକର ଜମିର ଅମଳ କରି ରଖିଥିବା ଧାନଗଦା ରୁ ପ୍ରାୟ ଦୁଇତୃତୀୟାଂଶ ଧାନ ଖାଇ ଦଳିଚକଟି ନଷ୍ଟ କରିଦେଇଛନ୍ତି l ଅମରପାଲି ର ବିଦ୍ୟାଧର ସାହୁ , ସନ୍ତୋଷ ସାହୁ , ସନ୍ତୋଷ ପଧାନ ପ୍ରମୁଖ ଅଭିଯୋଗ କରିଛନ୍ତି l ଚାଷୀ ମାନେ ବନବିଭାଗକୁ ଖବର ଦେବା ପରେ ବନବିଭାଗ ର ବନରକ୍ଷୀ ନିରଞ୍ଜନ ପଧାନ ଙ୍କ ନେତୃତ୍ୱ ରେ ତାଙ୍କ ଟିମ୍ ପହଞ୍ଚି କ୍ଷୟ କ୍ଷତିର ଆକଳନ କରିଥିବା ଜଣାପଡିଛି l ହାତୀପଲ ଙ୍କ ଖଇରମାଲ ଜଙ୍ଗଲ ରେ ଥିବା ଖବର ଦେଇଛି ବନବିଭାଗ l ତାଙ୍କ ଗତି ବିଧି ଉପରେ ନଜର ରଖିବା ସହ ଘଉଡ଼ାଇବା ପାଇଁ ପ୍ରୟାସ ଜାରି ରହିଥିବା ରେଞ୍ଜର ଅଭିନାସ ବରିହା ସୂଚନା ଦେଇଛନ୍ତି l