ସୌମିତ୍ରି ମେହେର

19/12/2024 at 7:46 PM

ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ କାନପୁର ଖେଳ ପଡିଆରେ ଚାଲିଥିବା ମା ‘ ମାହେଶ୍ୱରୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି l ଫାଇନାଲ ମ୍ୟାଚରେ କଳାପଥର କୁ ହରାଇ ପଣ୍ଡିଆପାଲି ଚାମ୍ପିଆନ ଘୋଷିତ ହୋଇଛି l ଫାଇନାଲ ମ୍ଯାଚ ଦୁଇଟି ଫର୍ମାଟ ରେ ଖେଳା ଯାଇଥିବା ବେଳେ ପ୍ରଥମ ଫର୍ମାଟ ଟି-12 ଓ ଦ୍ଵିତୀୟ ଫର୍ମାଟ ଟି-6 ଓଭର ବିଶିଷ୍ଟ ମ୍ଯାଚ ହୋଇଥିଲା I କଳାପଥର ଦଳ ପ୍ରଥମ ଫର୍ମାଟ ରେ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ 12 ଓଭରରେ ସମସ୍ତ ଉଇକେଟ ହରାଇ 103 ରନ୍ କରିଥିଲା l ଜବାବରେ ପଣ୍ଡିଆପାଲି ଦଳ ଆବଶ୍ୟକ 104 ରନ୍ କୁ 9 ଓଭରରେ 4 ଉଇକେଟ ହରାଇ ସଂଗ୍ରହ କରିଥିଲା I ଦ୍ଵିତୀୟ ଫର୍ମାଟ ରେ ପଣ୍ଡିଆପାଲି ପ୍ରଥମେ ବ୍ୟାଟିଂ କରି 6 ଓଭରରେ 5 ଉଇକେଟ୍ ହରାଇ 56 ରନ୍ କରିଥିବାବେଳେ ଜବାବରେ କଳାପଥର ଦଳ ନିର୍ଦ୍ଧାରିତ ଓଭରରେ 7 ଉଇକେଟ ହରାଇ 36 ରନ୍ କରି ପରାସ୍ତ ହୋଇଥିଲା l ଉଭୟ ଫର୍ମାଟ ରେ ପାଣ୍ଡିଆ ପାଲି ଦଳ ବିଜୟୀ ହୋଇ ଚାମ୍ପିଆନ ହୋଇଥିଲା I ଆୟୋଜିତ ପୁରସ୍କାର ବିତରଣୀ ଉତ୍ସବରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଭାବେ ଯୋଗଦେଇ ଥିଲେ l ସମ୍ମାନିତ ଅତିଥି ଭାବେ କ୍ରୀଡାବିତ୍ ଧୃବ ଚରଣ ବାଘ , ଲକ୍ଷ୍ମଣ ବାଦୀ , ବିଭତ୍ସ ବାଦୀ ପ୍ରମୁଖ ଉପସ୍ଥିତ ଥିଲେ I ପଣ୍ଡିଆପାଲି ଦଳ ର ପିଣ୍ଟୁ ଙ୍କୁ ମ୍ୟାନ୍ ଅଫ ଦି ମ୍ଯାଚ ଏବଂ ମନୋରଞ୍ଜନ କୁ ମ୍ୟାନ୍ ଅଫ ଦି ସିରିଜ୍ ଭାବେ ପୁରସ୍କୃତ କରାଯାଇ ଥିଲା I ଏଥି ସହିତ ଚମ୍ପିଆନ୍ ପଣ୍ଡିଆପାଲି ଦଳ କୁ ନଗଦ 10 ହଜାର ଟଙ୍କା ସହିତ ଟ୍ରଫି ଓ ଉପବିଜେତା କଳାପଥର ଦଳକୁ ନଗଦ 6 ହଜାର ଟଙ୍କା ସହିତ ଟ୍ରଫି ପ୍ରଦାନ କରି ପୁରସ୍କୃତ କରାଯାଇଥିଲା l