ସୌମିତ୍ରି ମେହେର19/01/2025 at 6:19 AM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଅବସରପ୍ରାପ୍ତ କର୍ମଚାରୀ ଓ ବରିଷ୍ଟ ନାଗରିକ ସଙ୍ଘ ର ବାର୍ଷିକ ଉତ୍ସବ ଆଜି ସଂଗଠନ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି l ରବିବାର ସଙ୍ଘ ର ସଭାପତି ଡ଼କ୍ଟର ପ୍ରଫୁଲ୍ଲ କୁମାର ରଥ ଙ୍କ ସଭାପତିତ୍ବ ରେ ଆୟୋଜିତ ସଭାରେ ଉପଖଣ୍ଡ ଚିକିତ୍ସାଧିକାରୀ ଡାକ୍ତର ସଞ୍ଜୟ କୁମାର ମହାପାତ୍ର ମୁଖ୍ୟ ଅତିଥି ଭାବରେ ଯୋଗଦେଇ ବରିଷ୍ଠ ନାଗରିକ ମାନଙ୍କର ଦାୟିତ୍ୱ ଏବଂ କର୍ତ୍ତବ୍ୟ ଉପରେ ଆଲୋଚନା କରିଥିଲେ l ବିଶିଷ୍ଟ ସାହିତ୍ୟିକ ଡ଼., ଇଂ ସଂଜୟ ପଣ୍ଡା ମୁଖ୍ୟବକ୍ତା ଭାବରେ ଯୋଗଦେଇ ପିତାମାତା ଙ୍କ ପ୍ରତି ସମ୍ମାନ ଜଣାଇଲେ ବିଷ୍ଣୁ ପ୍ରାପ୍ତି ହୁଏ l ଉତ୍ତମ ଶିକ୍ଷା ଦ୍ୱାରା ଉତ୍ତମ ମଣିଷ ଗଢ଼ାଯାଇ ପାରିବ ବୋଲି ପ୍ରକାଶ କରିଥିଲେ l ଉକ୍ତ ବାର୍ଷିକ ଉତ୍ସବ ରେ ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ଅକ୍ଷୟ କୁମାର ହୋତା , ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ପ୍ରମୁଖ ଯୋଗ ଦେଇଥିବାବେଳେ, ଡ଼କ୍ଟର ବଳରାମ ମିଶ୍ର , ପ୍ରଦୀପ କୁମାର ପୁରୋହିତ, ଜ୍ଞାନଦେବ ତ୍ରିପାଠୀ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ l ବିଶିଷ୍ଟ କଳାକାର ଚମ୍ପାମାଲ ରାମଲୀଳା ନାଟକ ର ରାବଣ ଭୂମିକା ରେ ଦୀର୍ଘ ୫୫ ବର୍ଷ ଧରି ଅଭିନୟ କରିଥିବା ଅବସରପ୍ରାପ୍ତ ପ୍ରଧାନ ଶିକ୍ଷକ ଖତୁ ପ୍ରସାଦ ହୋତା ଙ୍କୁ ନାଟ୍ୟ ବିଭୂଷଣ ସମ୍ମାନ ରେ ସମ୍ମାନିତ କରାଯାଇଥିଲା l ଠିକ ସେହିପରି ଶତାୟୁ ବ୍ରଜକୃଷ୍ଣ ପଣ୍ଡା ଙ୍କୁ କଳା ସମ୍ମାନ ରେ ସମ୍ମାନିତ କରାଯାଇଥିଲା l ଏହି କାର୍ଯ୍ୟକ୍ରମ କୁ ଡ଼କ୍ଟର ଦ୍ଵିତୀକୃଷ୍ଣ ପଣ୍ଡା ସଂଚାଳନ କରିଥିବାବେଳେ, ସଂଘ ର ଉପ ସଭାପତି ସୌମିତ୍ରି ମେହେର ସ୍ଵାଗତ ଭାଷଣ ଓ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ l ସମ୍ପାଦକ ସନ୍ତୋଷ ଷଡ଼ଙ୍ଗୀ ଉଦ୍ଦେଶ୍ୟ ଜ୍ଞାପନ ଏବଂ କୋଷାଧକ୍ଷ ଦୟାନିଧି ହୋତା ଧନ୍ୟବାଦ ଅର୍ପଣ କରିଥିଲେ l