ସୌମିତ୍ରି ମେହେର21/01/2025 at 6:41 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ପଞ୍ଚାୟତ ସମିତି ଉଚ୍ଚ ମାଧ୍ୟମିକ ବିଦ୍ୟାଳୟରେ ଆତ୍ମସୁରକ୍ଷା ତାଲିମ ଶିବିର ଉଦଯାପିତ ହୋଇଯାଇଛି । ଏହି ଶିବିରରେ ୧୧୫ ଜଣ ଛାତ୍ରୀ ଆତ୍ମସୁରକ୍ଷା ତାଲିମ ନେଇଥିଲେ । ଉଦ୍ଯାପନୀ ସଭାରେ ଅଧ୍ୟକ୍ଷ ରମାକାନ୍ତ ବିଶି ଅଧକ୍ଷତା କରି ଛାତ୍ରୀମାନଙ୍କୁ ଦୈନନ୍ଦିନ ଜୀବନରେ ଆତ୍ମ ସୁରକ୍ଷା ତାଲିମର ପ୍ରୟୋଗ ନିମନ୍ତେ ପରାମର୍ଶ ଦେଇଥିଲେ ।ଜିଲ୍ଲା ସଂଯୋଜକ ମଧୁସୂଦନ ପୂଜାହାରୀ ଯୋଗ ଦେଇ ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଜ୍ଞାପନ କରିଥିଲେ । ସ୍ଥାନୀୟ ଉଲୁଣ୍ଡା ଥାନା ଏ.ଏସ୍.ଆଇ ଗ୍ଲୋରିଆ କାଣ୍ଡୁଲାନା ମୁଖ୍ୟ ଅତିଥି ଭାବରେ ଯୋଗଦେଇ ଛାତ୍ରୀମାନଙ୍କୁ ସମ୍ପ୍ରତି ଆତ୍ମସୁରକ୍ଷାର ପ୍ରୟୋଜନୀୟତା ବିଷୟରେ ଜଣାଇବା ସହିତ ପୋଲିସ ପକ୍ଷରୁ ସମସ୍ତ ପ୍ରକାର ସହଯୋଗ କରିବାକୁ ପ୍ରତିଶ୍ରୁତି ଦେଇଥିଲେ । ଓଡ଼ିଆ ଅଧ୍ୟାପକ କୈଳାସ ମେହେର କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଗ୍ରନ୍ଥାଗାରିକ ଶିବ ନାରାୟଣ ମହାକୁର ଧନ୍ୟବାଦ ଅର୍ପଣ ଦେଇଥିଲେ।