ସୌମିତ୍ରି ମେହେର28/01/2025 at 6:30 PM
ବୀରମହାରାଜପୁର : (ସୌମିତ୍ରି ମେହେର)
ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା କନିଷ୍ଠ ମହାବିଦ୍ୟାଳୟରେ ଏକ କବି ସମ୍ମିଳନୀ ଓ ସମ୍ବର୍ଦ୍ଧନା ସମାରୋହ ସହିତ ପ୍ରାଚୀର ପତ୍ରିକା ‘ତପସ୍ବିନୀ’ ର ଶୁଭ ଉନ୍ମୋଚନ ଉତ୍ସବ ଅନୁଷ୍ଠିତ ହୋଇ ଯାଇଛି । ମହାବିଦ୍ୟାଳୟ ର ଅଧ୍ୟକ୍ଷ ଭୋଳାନାଥ କର୍ମିଙ୍କ ପୌରୋହିତ୍ୟରେ ଆୟୋଜିତ ଏହି ସମାରୋହରେ ପ୍ରଫେସର କିଶୋର କୁମାର ମେହେର ମୁଖ୍ୟ ଅତିଥି ଭାବେ ଯୋଗଦେଇ କବିମାନେ ବସିଥିବା ସ୍ଥନରେ ପାଦ ପକାଇବା ହିଁ ସୌଭାଗ୍ୟର କଥା , କବି ମାନେ ହିଁ ସମାଜର ପଥ ପ୍ରଦର୍ଶକ ଏବଂ ସମାଜର ଅସଙ୍ଗତିକୁ ଯେ ଦେଖିପାରେ ସେ ହିଁ କବି ବୋଲି କହିଥିଲେ । ପ୍ରାରମ୍ଭରେ ଅଧ୍ୟାପକ ଦେବାଶିଷ ପଧାନ ସ୍ବାଗତ ଅଭିଭାଷଣ ସହ ସଭାକାର୍ଯ୍ୟ ସଂଯୋଜନା କରିଥିଲେ । ମହା ବିଦ୍ୟାଳୟ ର ଛାତ୍ରୀ ସ୍ବାଗତିକା ଊର୍ମା , ସୁପ୍ରଭା ରାଣୀ କଅଁର , ବିସ୍ମିତା ପାତ୍ର ଓ ଦୀପ୍ତିମୟୀ ନାଏକ ସ୍ବାଗତ ସଂଗୀତ ଗାନ କରିଥିଲେ । ପତ୍ରିକା ତପସ୍ଵିନୀକୁ ଅଳଂକରଣ କରିଥିଲେ ଛାତ୍ରୀ ଲେଖା ମେହେର । ଶେଷରେ ପ୍ରଧ୍ୟାପକ ରମାକାନ୍ତ ପୁରୋହିତଙ୍କ ଧନ୍ୟବାଦ ଅର୍ପଣ ପରେ କବିତାପାଠ ପର୍ବ ଆରମ୍ଭ ହୋଇଥିଲା । କବି ସୌରଭ ରଞ୍ଜନ ଖମାରୀ , ବିଜୟ କୁମାର ପୁରୋହିତ , ସନ୍ତୋଷିନୀ ନାୟକ , ପ୍ରକାଶ କୁମାର ସେଠ , ସୁଧୀର ମହାକୁର , ଯାମିନୀ ଦାସ, ଯଜ୍ଞେଶ୍ଵର ବିଶି,ଡ.ଇତିଶ୍ରୀ ଦାଶ , ରମାକାନ୍ତ ପୁରୋହିତ , ଅନ୍ତର୍ଯ୍ୟାମୀ ରଥ , ଡ.ଦ୍ବିତୀକୃଷ୍ଣ ପଣ୍ଡା , ସୁବ୍ରତ ପଣ୍ଡା , ଡ.ରାଜେନ୍ଦ୍ର ପ୍ରସାଦ ରଣା , ତନ୍ମୟବାଳା ମିଶ୍ର , ଡ. ରାଧେଶ୍ୟାମ ମିଶ୍ର , ଯୁଧିଷ୍ଠିର ଖମାରୀ , ଡ.ମୀନକେତନ କୁମ୍ଭାର , ଡ.ଶୁଭେନ୍ଦୁ ମେହେର , ଦିଲ୍ଲିପ କୁମାର ମେହେର , ଅର୍ପିତା ନାଏକ ପ୍ରମୁଖ ସ୍ବରଚିତ କବିତା ଆବୃତ୍ତି କରିଥିଲେ । ସମସ୍ତ କବି କବୟିତ୍ରୀଙ୍କୁ ଅନୁଷ୍ଠାନ ତରଫରୁ ସମ୍ବର୍ଦ୍ଧିତ କରାଯାଇଥିଲା ।