ସୌମିତ୍ରି ମେହେର31/01/2025 at 8:16 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ୍ ଅନ୍ତର୍ଗତ କେନ୍ଦୁପାଲି ଉଚ୍ଚ ବିଦ୍ୟାଳୟର ବାର୍ଷିକ ଉତ୍ସବ “ସରଗମ୍” ମହା ସମାରୋହରେ ପାଳିତ ହୋଇଯାଇଛି । କାର୍ଯ୍ୟକ୍ରମର ପ୍ରାରମ୍ଭରେ ନିମନ୍ତ୍ରିତ ଅତିଥି ମାନେ ଅଗ୍ରପୂଜ୍ୟ ଗଜାନନ ଙ୍କ ଫଟୋଚିତ୍ର ରେ ଦୀପ ପ୍ରଜ୍ଵଳନ କରି ଉତ୍ସବର ଶୁଭାରମ୍ଭ କରିଥିଲେ । ଅନୁଷ୍ଠାନର ଛାତ୍ରୀମାନେ ଶିକ୍ଷକ ଅମରେଶ ତ୍ରିପାଠୀ ଙ୍କ ଦ୍ଵାରା ସ୍ୱର ସଂଯୋଜନାରେ ସ୍ଵାଗତ ସଙ୍ଗୀତ ଗାନ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଇନ୍ଦିରା ମିଶ୍ର ଙ୍କ ପୌରହିତ୍ୟ ରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ରୂପେ ସୁବର୍ଣ୍ଣପୁର ର ଅତିରିକ୍ତ ଜିଲ୍ଲାପାଳ ଆଞ୍ଜେଲିନା ପ୍ରଧାନ, ମୁଖ୍ୟବକ୍ତା ରୂପେ ସିନେ କଳାକାର ତଥା ପ୍ରଧ୍ୟାପକ ଡକ୍ଟର ପୁରୁଷୋତ୍ତମ ମିଶ୍ର ଯୋଗ ଦେଇଥିଲେ । ସମ୍ମାନିତ ଅତିଥି ରୂପେ ବ୍ଲକ୍ ଅଧ୍ୟକ୍ଷା ଶାନ୍ତି ଲୁହା ଓ ବିଦ୍ୟାଳୟ ପରିଚାଳନା କମିଟିର ସଭାପତି ତ୍ରିଲୋଚନ ମେହେର ଯୋଗ ଦେଇଥିଲେ । ସ୍ଵତନ୍ତ୍ର ଅତିଥି ରୂପେ କଣ୍ଠଶିଳ୍ପି ଓ ସଙ୍ଗୀତ ନିର୍ଦ୍ଦେଶକ ଶାଶ୍ଵତ କୁମାର ତ୍ରିପାଠୀ ମଞ୍ଚାସୀନ ଥିଲେ । ଶିକ୍ଷକ ବିଷ୍ଣୁ ପ୍ରସାଦ ଧଳ ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ । ଶିକ୍ଷକ ସିତାଂଶୁ ଶେଖର ଖମାରି ସଭା ସଂଯୋଜନା କରିଥିଲେ । ବିଦ୍ୟାଳୟର ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ଛାତ୍ର ଛାତ୍ରୀ ଙ୍କୁ ଅତିଥି ବୃନ୍ଦ ପୁରସ୍କୃତ କରିଥିଲେ । ଶ୍ରେଷ୍ଠ ଛାତ୍ରୀ ଭାବେ ଦଶମ ଶ୍ରେଣୀ ର ପୂଜା ମଲ୍ଲିକ,ଶ୍ରେଷ୍ଠ ଶୃଙ୍ଖଳିତ ଛାତ୍ରୀ ଭାବେ ନବମ ଶ୍ରେଣୀ ର ରୋଜି ମେହେର , ଷ୍ଟୁଡେଣ୍ଟ୍ ଅଫ ଦ ଇୟର ଭାବେ ରାଧାକାନ୍ତ ପଧାନ ଏବଂ ଶ୍ରେଷ୍ଠ ସର୍ବଦକ୍ଷ ଛାତ୍ରୀ ଭାବେ ନବମ ଶ୍ରେଣୀ ର ନନ୍ଦିନୀ ମେହେର ଙ୍କୁ ପୁରସ୍କୃତ କରାଯାଇଥିଲା । ସଭାପରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏହି କାର୍ଯ୍ୟକ୍ରମରେ ନୃତ୍ୟ ନିର୍ଦ୍ଦେଶନା ଦେଇଥିଲେ ନୃତ୍ୟ ଗୁରୁ ଦଶରଥ ମେହେର । ଛାତ୍ର ଛାତ୍ରୀ ମାନଙ୍କ ଦ୍ଵାରା ନାଟକ “ଆହୁତି” ମଞ୍ଚସ୍ଥ ହୋଇଥିଲା । ନାଟକରେ ସୁନ୍ଦର ଅଭିନୟ ପାଇଁ ଶ୍ରେଷ୍ଠ ଅଭିନେତା ଭାବେ ବିଦୁଶ ମେହେର ଓ ଶ୍ରେଷ୍ଠ ଅଭିନେତ୍ରୀ ଭାବେ ଶ୍ରୀୟାରାଣୀ ମେହେର ପୁରସ୍କୃତ ହୋଇଥିଲେ । ନାଟକ ନିର୍ଦ୍ଦେଶନା ଦେଇଥିଲେ ଶିକ୍ଷକ ବିଷ୍ଣୁ ପ୍ରସାଦ ଧଳ ଓ ସିତାଂଶୁ ଶେଖର ଖମାରି । କାର୍ଯ୍ୟକ୍ରମରେ ବାବୁଲାଲ ମେହେର , ପୁଡୁ କାଲସାଏ , ଚମ୍ପେଶ୍ୱର ମିଶ୍ର , ଅମରେଶ ତ୍ରିପାଠୀ , ଦେବାଶିଷ ମିଶ୍ର , ମହେନ୍ଦ୍ର କୁମାର ସାହୁ , ଆର୍ତ୍ତତ୍ରାଣ ବିଶି , ଅର୍ପିତା ହୋତା , ଜିତେଶ୍ୱରୀ ମେହେର , ବେବୀ ଶିବାନୀ ସାହା , ରଶ୍ମିତା ମେହେର ପ୍ରମୁଖ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ସହଯୋଗ କରିଥିଲେ । ଶେଷରେ ଶିକ୍ଷକ ଦିବ୍ୟ ରଞ୍ଜନ ସାହୁ ଧନ୍ୟବାଦ୍ ଅର୍ପଣ କରିଥିଲେ ।