ସୌମିତ୍ରି ମେହେର11/02/2025 at 1:57 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ବିଜୁ ପଟ୍ଟନାୟକ ମିନି ଷ୍ଟାଡିୟମରେ ସ୍ଥାନୀୟ ସ୍ପୋର୍ଟିଙ୍ଗ କ୍ଲବ ଆନୁକୂଲ୍ୟରେ ରାଜ୍ୟ ସ୍ତରୀୟ ଏକ ଦିବସୀୟ ବୀରମହାରାଜପୁର କପ୍ ଫୁଟବଲ ଉଦଯାପିତ ହୋଇଯାଇଛି । ଏହାର ଉଦଘାଟନୀ ଉତ୍ସବରେ ରେଞ୍ଜ ଅଧିକାରୀ ପ୍ରସନ୍ନ ନାୟକ ଓ ଶିକ୍ଷକ ରଣଜିତ ମିଶ୍ର ଅତିଥି ଭାବେ ଯୋଗଦେଇ ଖେଳ କୁ ଉଦଘାଟନ କରିଥିଲେ। ପ୍ରଥମ ମ୍ୟାଚ୍ ଟି କେଏଫସିସି ସୋନପୁର ଓ ବୀରମହାରାଜପୁର ମଧ୍ୟରେ ହୋଇଥିଲା। ଏଥିରେ ସୋନପୁର ୧-୦ ଗୋଲରେ ବିଜୟୀ ହୋଇଥିଲା। ଦ୍ଵିତୀୟ ମ୍ୟାଚ୍ ଟି ସମ୍ବଲପୁର ଓ ବରଗଡ଼ ମଧ୍ୟରେ ହୋଇଥିଲା। ଏଥିରେ ବରଗଡ଼ ପେନାଟି ସୁଟ ଆଉଟ୍ ରେ ବିଜୟୀ ହୋଇଥିଲା। ପ୍ରଥମ ସେମିଫାଇନାଲ ମ୍ୟାଚ୍ ଟି ସୋନପୁର ଓ ବରଗଡ଼ ମଧ୍ୟରେ ହୋଇଥିଲା । ଏଥିରେ ସୋନପୁର ବିଜୟୀ ହୋଇ ପ୍ରଥମ ଦଳ ଭାବେ ଫାଇନାଲ ରେ ପ୍ରବେଶ କରିଥିଲା । ପୁଲ – ବି ର ପ୍ରଥମ ମ୍ୟାଚ୍ ଟି ହୀରାକୁଦ ଓ ବୌଦ୍ଧ ମଧ୍ୟରେ ହୋଇଥିଲା । ଏଥିରେ ହୀରାକୁଦ ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍ ଟି ଫୁଲବାଣି ଓ ଗୁଣ୍ଡେରପୁର (ସମ୍ବଲପୁର) ମଧ୍ୟରେ ହୋଇଥିଲା । ଏଥିରେ ହୀରାକୁଦ ବିଜୟୀ ହୋଇଥିଲା । ପୁଲ – ବି ର ସେମିଫାଇନାଲ ରେ ହୀରାକୁଦ ଦଳ ଫୁଲବାଣି କୁ ହରାଇ ଦ୍ୱିତୀୟ ଦଳ ଭାବେ ଫାଇନାଲ ରେ ପ୍ରବେଶ କରିଥିଲା। ଫାଇନାଲ ମ୍ୟାଚ୍ ଟି ସୋନପୁର ଓ ହୀରାକୁଦ ମଧ୍ୟରେ ହୋଇଥିବା ବେଳେ ସୋନପୁର ଦଳ ହୀରାକୁଦ ଦଳକୁ ୧-୦ ଗୋଲ ରେ ପରାସ୍ତ କରି ବିଜୟୀ ହୋଇଥିଲା।ଆୟୋଜକ ସଭାପତି ପର୍ଶୁରାମ ଦେହୁରୀ ଙ୍କ ଅଧ୍ୟକ୍ଷତା ରେ ସନ୍ଧ୍ୟାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଭାବେ ଯୋଗଦେଇ ଥିଲେ I ଚମ୍ପାମାଳ ସରପଞ୍ଚ ମହେନ୍ଦ୍ର ଜଗଦଲା , ଲୁତୁରପଙ୍କ ସରପଞ୍ଚ ସୂର୍ଯ୍ୟ ନନ୍ଦ , କ୍ରୀଡାବିତ ସୁରୁନାରାୟଣ ମହାକୁର , ବିବସ୍ଵତି ପଣ୍ଡା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଚାମ୍ପିଅନ ଦଳକୁ ନଗଦ ୧୫ ହଜାର ଟଙ୍କା ସହିତ ଟ୍ରଫି ଏବଂ ଉପବିଜେତା ଦଳ କୁ ନଗଦ ୧୦ ହଜାର ଟଙ୍କା ସହିତ ଟ୍ରଫି ପୁରସ୍କୃତ କରାଯାଇଥିଲା। ଆୟୋଜକ ସମ୍ପାଦକ ସୂର୍ଯ୍ୟନାରାୟଣ ମହାକୁର ଧନ୍ୟବାଦ ଅର୍ପଣ କରିଥିଲେ । ସ୍ପୋର୍ଟିଙ୍ଗ କ୍ଲବ ର କୋଷାଧ୍ୟକ୍ଷ ଅଜିତ ନାଏକ , ଆୟୁଷ ଅଗ୍ରୱାଲା , ଅମିତ ପ୍ରଧାନ , ଲକ୍ଷ୍ମଣ ଷାଣ୍ଢ , ପ୍ରଶାନ୍ତ ଷାଣ୍ଢ , ଗରୁକିଶୋର ଡ଼ାଙ୍ଗ , ବାସୁଦେବ ରାଜହଂସ ପ୍ରମୁଖ ଟୁର୍ଣ୍ଣାମେଣ୍ଟ ପରିଚାଳନା ରେ ସହଯୋଗ କରିଥିଲେ।