ମିଗ୍ -୨୧ ବିମାନ ଦୁର୍ଘଟଣାଗ୍ରସ୍ତ; ୨ ମୃତ

ନୂଆଦିଲ୍ଲୀ: ସୋମବାର ସକାଳେ ରାଜସ୍ଥାନର ହନୁମାନଗଡ ନିକଟରେ ଭାରତୀୟ ବାୟୁସେନାର ମିଗ୍ -୨୧ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇଛି। ବିମାନଟି ସୁରତଗଡରୁ ଅବତରଣ କରୁଥିଲା। ବିମାନଟି ଦୁର୍ଘଟଣା ଗ୍ରସ୍ତ ହୋଇ ଏକ ଘର ଉପରେ ପଡ଼ିଯାଇଥିଲା। ତେବେ ପାଇଲଟ ଜଣଙ୍କ ସୁରକ୍ଷିତ ଥିବା ସୂଚନା ମିଳିଛି । ହେଲିକ୍ୟାପ୍ଟରଟି ଏକ ଘର ଉପରେ ଖସିପଡିବାରୁ ଘରେ ଥିବା ଦୁଇ ଜଣ ବ୍ୟକ୍ତିଙ୍କ ମୃତ୍ୟୁ ହୋଇଛି । ଏହି ସମୟରେ ପାଇଲଟ୍ ପାରାଚ୍ୟୁଟ୍ ସାହାଯ୍ୟରେ ବିମାନରୁ ଡେଇଁ ନିଜ ଜୀବନ ରକ୍ଷା କରିଥିବା ଜଣାପଡିଛି।

ସୂଚନା ଅନୁଯାୟୀ ପାଇଲଟ୍‌ଙ୍କୁ ଏୟାରଲିଫ୍ଟ କରାଯାଇଛି। ପାଇଲଟଙ୍କ ପାଇଁ ବାୟୁସେନାର Mi 17 ପଠାଯାଇଥିବା ଜଣାପଡ଼ିଛି। ଯେଉଁ ଘର ଛାତରେ ମିଗ୍‌-୨୧ ବିମାନଟି ଦୁର୍ଘଟଣାଗ୍ରସ୍ତ ହୋଇ ପଡ଼ିଥିଲା ​​ସେଠାରେ ତିନିଜଣ ମହିଳା ଏବଂ ଜଣେ ପୁରୁଷ ଉପସ୍ଥିତ ଥିଲେ। ଏଥିମଧ୍ୟରୁ ଦୁଇଜଣ ମହିଳାଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନା ସ୍ଥାନାନ୍ତରଣ କରାଯାଇଥିବା ସୂଚନା ମିଳିଛି।