ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

15/04/2025 at 11:15 AM

ମୁମ୍ବାଇ: ସଲମାନ ଖାନ ପୁଣି ଥରେ ଫିଟନେସ୍ ମୋଡରେ ଅଛନ୍ତି। ୫୯ ବର୍ଷ ବୟସରେ ଆରାମରେ ଗଛ ଚଢ଼ି ସମସ୍ତଙ୍କୁ ପ୍ରଭାବିତ କରିବା ପରେ ସେ ନିଜ ବ୍ୟାୟାମ ସେସନର କିଛି ଚମତ୍କାର ଫଟୋ ପ୍ରଶଂସକଙ୍କ ସହ ସେୟାର କରିଛନ୍ତି।

ସଲମାନ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଦୁଇଟି ଫଟୋ ପୋଷ୍ଟ କରିଛନ୍ତି, ଯେଉଁଥିରେ ସେ ଜିମ୍‌ରେ ଝାଳ ବୁହାଇଥିବା ସମୟରେ ତାଙ୍କର ବାଇସେପ୍ସ ଦେଖାଯାଉଛି। ପ୍ରେରଣା ପାଇଁ ନେଟିଜେନମାନଙ୍କୁ ଧନ୍ୟବାଦ ଜଣାଇ ସେ ପୋଷ୍ଟର କ୍ୟାପସନରେ ଲେଖିଛନ୍ତି, “ପ୍ରେରଣା ପାଇଁ ଧନ୍ୟବାଦ।”

୧୧ ଏପ୍ରିଲରେ, ସଲମାନ ଏକ ଭିଡିଓ ପୋଷ୍ଟ କରିଥିଲେ ଯେଉଁଥିରେ ସେ ଜାମୁ ଗଛର ଏକ ଉଚ୍ଚ ଡାଳ ଉପରେ ଚଢ଼ି ତାହାକୁ ହଲାଇଥିଲେ ଯାହା ଫଳରେ ଫଳଗୁଡ଼ିକ ତଳେ ରଖାଯାଇଥିବା ଏକ କପଡ଼ା ଉପରେ ପଡ଼ିଥିଲା। ଭିଡିଓରେ ସଲମାନ ଅତ୍ୟନ୍ତ ଫିଟ୍ ଏବଂ ସକ୍ରିୟ ଦେଖାଯାଉଥିଲେ।

ରିପୋର୍ଟ ଅନୁସାରେ, ତାଙ୍କୁ ହତ୍ୟା ପାଇଁ ଧମକ ଦିଆଯାଇଥିଲା। ବାର୍ତ୍ତାରେ ଦାବି କରାଯାଇଥିଲା ଯେ ‘ସୁଲତାନ’ ଅଭିନେତାଙ୍କୁ ଗାଲାକ୍ସି ଆପାର୍ଟମେଣ୍ଟରେ ଥିବା ତାଙ୍କ ଘର ଉପରେ ଆକ୍ରମଣ କରି କିମ୍ବା ତାଙ୍କ କାରକୁ ବିସ୍ଫୋରକ ଦ୍ୱାରା ଟାର୍ଗେଟ କରି ହତ୍ୟା କରିବାକୁ ଚେଷ୍ଟା କରାଯିବ। ଅଧିକାରୀଙ୍କ ଅନୁଯାୟୀ, ସଦ୍ୟତମ ଧମକ ସମ୍ପର୍କରେ ୱର୍ଲି ପୋଲିସ ଏକ ମାମଲା ରୁଜୁ କରିଛି। ସେମାନେ ସଲମାନଙ୍କ ବାସଭବନ ବାହାରେ ସୁରକ୍ଷା ବ୍ୟବସ୍ଥା ମଧ୍ୟ ବୃଦ୍ଧି କରିଛନ୍ତି।