Hanuman Ansh: କମ୍ ବଜେଟ୍ରେ ବଡ଼ କମାଲ, Kantara ଓ The Kashmir Filesକୁ ପଛରେ ପକାଇଲା ଫିଲ୍ମର ବକ୍ସ ଅଫିସ୍ ରେକର୍ଡ
ନୂଆଦିଲ୍ଲୀ: କମ୍ ବଜେଟ୍ରେ ନିର୍ମିତ ଭକ୍ତିଭିତ୍ତିକ ଫିଲ୍ମ ‘Hanuman Ansh’ ବକ୍ସ ଅଫିସ୍ରେ ଏବେ ଚର୍ଚ୍ଚାରେ ରହିଛି | ଫିଲ୍ମରେ ରିଲିଜ ଆରମ୍ଭ ସମୟରେ ପ୍ରାୟ କୌଣସି ଚର୍ଚ୍ଚା ନଥିବା ଏହି ଫିଲ୍ମ ଧୀରେଧୀରେ ଦର୍ଶକଙ୍କ ମଧ୍ୟରେ ଲୋକପ୍ରିୟ ହୋଇ ଚମତ୍କାର କମବ୍ୟାକ୍ କରିଛି। ନିର୍ଦ୍ଦେଶକ ବିଶାଲ ଚତୁର୍ବେଦୀଙ୍କ ଏହି ଫିଲ୍ମ ଆଧ୍ୟାତ୍ମିକ ବ୍ୟକ୍ତିତ୍ୱ ନୀମ କରୋଲି ବାବାଙ୍କ ଜୀବନରୁ ପ୍ରେରିତ। ଭାରତୀୟ ବକ୍ସ ଅଫିସ୍ରେ ଫିଲ୍ମଟି ଏପର୍ଯ୍ୟନ୍ତ ୯.୦୫ କୋଟି ଟଙ୍କାରୁ ଅଧିକ କଲେକ୍ସନ୍ କରିସାରିଛି।
ଅଗଷ୍ଟ ୭ରେ ରିଲିଜ୍ ହୋଇଥିବା ‘Hanuman Ansh’ ପ୍ରଥମ ଦିନରେ ମାତ୍ର ୧୦ ଲକ୍ଷ ଟଙ୍କା ଆୟ କରିଥିଲା। ପ୍ରଥମ ୱିକେଣ୍ଡ୍ରେ ମଧ୍ୟ ଫିଲ୍ମର କଲେକ୍ସନ୍ ମାତ୍ର ୬୪ ଲକ୍ଷ ଟଙ୍କା ଥିଲା। ଦ୍ୱିତୀୟ ସପ୍ତାହରେ ଫିଲ୍ମଟି ମାତ୍ର ୪୦ଟି ସ୍କ୍ରିନ୍ରେ ଚାଲୁଥିଲା। କିନ୍ତୁ ଦର୍ଶକଙ୍କ ଭଲ ପ୍ରତିକ୍ରିୟା ଓ ପ୍ରଚାର ଯୋଗୁଁ ତୃତୀୟ ସପ୍ତାହରେ ଏହାର ସ୍କ୍ରିନ୍ ସଂଖ୍ୟା ପ୍ରାୟ ୪୦୦କୁ ବୃଦ୍ଧି ପାଇଥିଲା। ଏହାର ତୃତୀୟ ୱିକେଣ୍ଡ୍ରେ ଫିଲ୍ମ ୩.୬୮ କୋଟି ଟଙ୍କା କଲେକ୍ସନ୍ କରିଥିଲା, ଯାହା ଦ୍ୱିତୀୟ ୱିକେଣ୍ଡ୍ର ୨୯ ଲକ୍ଷ ଟଙ୍କା ତୁଳନାରେ ପ୍ରାୟ ୧୧୬୮.୯୭ ପ୍ରତିଶତକୁ ବୃଦ୍ଧି ହୋଇଛି |
ଫିଲ୍ମର ସବୁଠାରୁ ବଡ଼ ଖାସିୟତ ହେଉଛି ଏହାର ୧୪.୧୪x ୱିକେଣ୍ଡ୍-ଟୁ-ଲାଇଫ୍ଟାଇମ୍ ବକ୍ସ ଅଫିସ୍ ମଲ୍ଟିପଲ୍। ଏହି ମାପଦଣ୍ଡ ଫିଲ୍ମଟି ପ୍ରଥମ ସପ୍ତାହରେ ନୁହେଁ, ବରଂ ଦୀର୍ଘ ସମୟ ଧରି ଦର୍ଶକଙ୍କୁ ସିନେମା ହଲ୍କୁ ଆଣିପାରିଛି ବୋଲି ଦର୍ଶାଏ। ଅଗଷ୍ଟ ୨୩ରୁ ୨୫ ମଧ୍ୟରେ ମାତ୍ର ୩ ଦିନରେ ଏହା ୬.୩୮ କୋଟି ଟଙ୍କା ଆୟ କରିଥିଲା। ଏପରିକି ୧୯ତମ ଦିନରେ ୨.୫୪ କୋଟି ଟଙ୍କାର ସିଙ୍ଗଲ୍-ଡେ କଲେକ୍ସନ୍ ମଧ୍ୟ କରିଥିଲା। ଉତ୍ପାଦନ ଖର୍ଚ୍ଚ ଭରଣା କରିସାରିଥିବା ଏହି ଫିଲ୍ମ ଏବେ ଲାଭଜନକ ଜୋନ୍ରେ ପହଞ୍ଚିଛି ଏବଂ ୨୦୨୬ର ଅଣ୍ଡରଡଗ୍ ବକ୍ସ ଅଫିସ୍ ହିଟ୍ ଭାବେ ଏବେ ଚର୍ଚ୍ଚାରେ ରହିଛି।
