କରିସ୍ମା କପୁରଙ୍କ ପୂର୍ବତନ ସ୍ୱାମୀ ସଞ୍ଜୟଙ୍କ ଦେହାନ୍ତ
ମୁମ୍ବାଇ: କରିସ୍ମା କପୁରଙ୍କ ପୂର୍ବତନ ସ୍ୱାମୀ ସଞ୍ଜୟ କପୁରଙ୍କ ଦେହାନ୍ତ ହୋଇଛି। ୫୩ ବର୍ଷୀୟ ସଞ୍ଜୟ କପୁରଙ୍କ ହୃଦଘାତ ଯୋଗୁଁ ମୃତ୍ୟୁ ହୋଇଛି।
ସୂଚନା ଅନୁଯାୟୀ ଏହି ଘଟଣା ଘଟିବା ସମୟରେ ସେ ପୋଲୋ ଖେଳୁଥିଲେ ବୋଲି କୁହାଯାଉଛି। ଅଭିନେତ୍ରୀ କରିସ୍ମା କପୁରଙ୍କ ପୂର୍ବତନ ସ୍ୱାମୀ ସଞ୍ଜୟ କପୁରଙ୍କ ମୃତ୍ୟୁ ନେଇ ସ୍ପଷ୍ଟ କରିଛନ୍ତି ବ୍ୟବସାୟ ପରାମର୍ଶଦାତା ସୁହେଲ ସେଠ୍। ଲଣ୍ଡନ ରେ ଏକ ପୋଲୋ ମ୍ୟାଚ୍ ସମୟରେ ତାଙ୍କର ହୃଦଘାତ ହୋଇଥିଲା। ଏହା ସହିତ, ସୁହେଲ ତାଙ୍କ ପୂର୍ବତନ ଆକାଉଣ୍ଟରେ ଟ୍ୱିଟ୍ କରି ଏହି ଦୁଃଖଦ ଘଟଣା ବିଷୟରେ ସୂଚନା ଦେଇଛନ୍ତି। ସଞ୍ଜୟ କପୁର ଜଣେ ଜଣାଶୁଣା ବ୍ୟବସାୟୀ ଥିଲେ।
୨୦୦୩ ମସିହାରେ କରିସ୍ମା ବ୍ୟବସାୟୀ ସଞ୍ଜୟ କପୁରଙ୍କୁ ବିବାହ କରିଥିଲେ। କିନ୍ତୁ ବିବାହର କିଛି ବର୍ଷ ପରେ ସେମାନଙ୍କ ସମ୍ପର୍କରେ ତିକ୍ତତ ଆସିଥିଲା। ତା’ପରେ ୨୦୧୬ ମସିହାରେ ସେମାନଙ୍କର ଛାଡପତ୍ର ହୋଇଥିଲା। କରିସ୍ମା କପୁରଙ୍କୁ ଛାଡପତ୍ର ଦେବା ପରେ ସଞ୍ଜୟ, ପ୍ରିୟା ସଚଦେବଙ୍କୁ ବିବାହ କରିଥିଲେ। କରିସ୍ମା କପୁର ଏବଂ ସଞ୍ଜୟଙ୍କ ଦୁଇ ସନ୍ତାନ ରହିଛନ୍ତି। ଝିଅ ସମାଇରା ଏବଂ ପୁଅ କିୟାନ୍ ଉଭୟ ମୁମ୍ବାଇରେ ମା କରିସ୍ମାଙ୍କ ସହିତ ରୁହନ୍ତି।
