ଆନ୍ତଃ ରାଜ୍ୟ ଗଞ୍ଜେଇ ମାଫିଆ ଙ୍କୁ ଯାତ୍ରୀବାହୀ ବସ ରୁ ଚାଲାଣ ବେଳେ ମାଡି ବସିଲା ଅବକାରୀ ବିଭାଗ, ଦୁଇ ଯୁବକ ଅଟକ।

ସନତ କୁମାର ପ୍ରାଧନୀ

କଳାହାଣ୍ଡି:ତା- ୨୯/୦୭
କଳାହାଣ୍ଡି ଜିଲ୍ଲା ଜୟପାଟଣା ଠାରେ ଯାତ୍ରୀବାହୀ ବସ ରେ ଗଞ୍ଜେଇ ଚାଲାଣ ବେଳେ ୨ ଆନ୍ତଃ ରାଜ୍ୟ ଗଞ୍ଜେଇ ମାଫିଆ ଙ୍କୁ କାବୁ କରିଛି ଅବକାରୀ ବିଭାଗ।
ସୋମବାର ସନ୍ଧ୍ୟା ସମୟରେ ଭବାନୀପାଟଣା ରୁ ମୁଖୀଗୁଡା ଦେଇ ବିଶାଖାପାଟଣା ଓଡ଼ି ୦୮, ଆର ୧୯୫୨ ନମ୍ବର ଓଏସଆରଟିସି ବସ ରେ ଗଞ୍ଜେଇ ଚାଲାଣ ହେଉଥିବା ନେଇ କୌଣସି ବିଶ୍ବସ୍ତ ସୂତ୍ରରୁ ଖବର ପାଇଥିଲା ଜୟପାଟଣା ଅବକାରୀ ବିଭାଗ।ଏ ନେଇ ଅବକାରୀ ବିଭାଗ ପକ୍ଷରୁ ମୁଖୀଗୁଡା ପଟୁ ଆସୁଥିବା ବସ କୁ ଜୟପାଟଣା ରାଜବାଟି ଛକରେ ବସ କୁ ଯାଞ୍ଚ କରିଥିବା ବେଳେ ୨ ଆନ୍ତଃ ରାଜ୍ୟ ଗଞ୍ଜେଇ ମାଫିଆ ଙ୍କ ମଧ୍ୟରୁ ଜଣେ ବସ ର ଝରକା ଦେଇ ଫେରାର ମାରୁଥିବା ବେଳେ ସ୍ଥାନୀୟ ଲୋକେ କାବୁ କରିଥିଲେ ଓ ଅନ୍ୟ ଜଣକୁ ଅବକାରୀ ବିଭାଗ କାବୁ କରିଥିଲେ। ଗିରଫ ୨ ଅଭିଯୁକ୍ତ ବାଙ୍ଗାଲୋର ସହର ଅଞ୍ଚଳ ର ନଦୀମ ପାଶା ଓ ଅଜଗର ବୋଳି ଜଣାପଡିଛି।
ଜବତ ଗଞ୍ଜେଇ ୩ ଗୋଟି ଏୟାର ବେଗ ରେ ଥିବାବେଳେ ହାରାହାରି ୧୦ ରୁ ୧୫ କେଜି ଗଞ୍ଜେଇ ହେବ ବୋଲି ଜଣାପଡିଛି। ଗଞ୍ଜେଇ ଚାଲାଣ ପଛରେ କାହା କାହା ର ସମ୍ପୃକ୍ତି ଅଛି ଆଗକୁ ତଦନ୍ତ ହେଲେ ସବିଶେଷ ସୂଚନା ଦିଆଯିବ ବୋଲି ବୋଲି ଜୟପାଟଣା ଅବକାରୀ ଓଆଇସି ନରେନ୍ଦ୍ର ମିଞ୍ଜ ସୂଚନା ଦେଇଛନ୍ତି।