କେନାଲ ରୁ ନିଖୋଜ ବ୍ୟକ୍ତି ଙ୍କ ମୃତଦେହ ଉଦ୍ଧାର।

ସନତ କୁମାର ପ୍ରାଧନୀ

କଳାହାଣ୍ଡି,୨୩/୦୯, କଳାହାଣ୍ଡି ଜିଲ୍ଲା ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲର ଦେପୁର ଦେଉଲପଡା ରୁ ତାଲପଦର ମଧ୍ୟରେ ଶୌଚ ହେବାକୁ ଯାଇଥିବା ଦ୍ରୋଣ ବାଗ ନାମକ ୫୫ ବର୍ଷିୟ ବ୍ୟକ୍ତି ଗତକାଲି ଠାରୁ ନିଖୋଜ ରହିଥିବା ବେଳେ କଲମପୁର ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଖୋଜ ଙ୍କ ଠାବ କରିବା ପାଇଁ ଉଦ୍ୟମ ଆରମ୍ଭ କରିଥିଲେ। ଉପରମୁଣ୍ଡରେ କେନାଲ ପାଣି ନିୟନ୍ତ୍ରଣ କରିବା ପରେ ତଳମୁଣ୍ଡରେ ପାଣି କମି ନଥିବାରୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଥିଲା।ତେବେ କେନାଲ ରେ ପାଣି କମିବା ପରେ କଲମପୁର ଅଗ୍ନିଶମ ବିଭାଗ କର୍ମଚାରୀଙ୍କ ଦ୍ବାରା ମୃତ ଦେହ ଉଦ୍ଧାର କରାଯାଇଛି। ଘଟଣାସ୍ଥଳରେ ଚିଲିଗୁଡା ପୁଲିସ ଫାଣ୍ଡି ଅଧିକାରୀ ମୀନକେତନ ଶବର ଉପସ୍ଥିତ ରହି ଶବ ଜବତ୍ କରି ତଦନ୍ତ ଜାରି ରଖିଛନ୍ତି।