ଟ୍ରେଣ୍ଡରେ ରଣବୀରଙ୍କ ଫିଲ୍ମ ‘ଧୁରନ୍ଧର’; ରିଲିଜ ହେଲା ଟ୍ରେଲର
ମୁମ୍ବାଇ;୧୯|୧୧: ସୁପରଷ୍ଟାର ରଣବୀର ସିଂହଙ୍କ ବହୁ ଚର୍ଚ୍ଚିତ ଫିଲ୍ମ ‘ଧୂରନ୍ଧର’ର ଟ୍ରେଲର ଏବେ ରିଲିଜ୍ ହୋଇଛି। ଏହି ଫିଲ୍ମର ଟ୍ରେଲର ୪ ମିନିଟ ୭ ସେକେଣ୍ଡର ହୋଇଥିବା ବେଳେ ଏଥିରେ ରଣବୀର ସିଂହଙ୍କ ଅଲଗା ଅନ୍ଦାଜ ଦର୍ଶକଙ୍କୁ ଚମକାଇ ଦେଇଛି| ଏହି ଫିଲ୍ମର ତିନି ଜଣ ଖଳନାୟକ ଅଛନ୍ତି। ପ୍ରଥମେ ଅର୍ଜୁନ ରାମପାଲ, ତା’ପରେ ଅକ୍ଷୟ ଖାନ୍ନା ଏବଂ ଶେଷରେ ସଞ୍ଜୟ ଦତ୍ତଙ୍କୁ ଦେଖିବାକୁ ମିଳିଛି।
ଟ୍ରେଲରଟି ଅର୍ଜୁନ ରାମପାଲଙ୍କ ଏକ ହୃଦୟ ବିଦାରକ ଏକକ ସଂଳାପ ସହିତ ଆରମ୍ଭ ହୋଇଛି। ପ୍ରତିଶୋଧ, ବିଶ୍ୱାସଘାତକତା ଏବଂ ଦେଶପ୍ରେମରେ ପରିପୂର୍ଣ୍ଣ ଏକ ଭୟଙ୍କର ଗୁପ୍ତଚର ଯୁଦ୍ଧକୁ ନେଇ ଫିଲ୍ମ ପର୍ଯ୍ୟବେସିତ ହୋଇଛି। ଟ୍ରେଲରଟି ବିପଦପୂର୍ଣ୍ଣ ଆକ୍ସନ ସିକ୍ୱେନ୍ସ ଏବଂ ରକ୍ତପାତରେ ପରିପୂର୍ଣ୍ଣ। ଆକ୍ସନ ସିକ୍ୱେନ୍ସଗୁଡ଼ିକ ରକ୍ତାକ୍ତ, ବଡ଼ ଧରଣର ଷ୍ଟଣ୍ଟ ଏବଂ ଶକ୍ତିଶାଳୀ ସଂଳାପରେ ଭର୍ତ୍ତି। ନିର୍ଦ୍ଦେଶକ ଆଦିତ୍ୟ ଧର ଏହି ଫିଲ୍ମଟିକୁ ଦୁଇଟି ଭାଗରେ ନିର୍ମାଣ କରିଛନ୍ତି। ଯାହାକି ଏହାର ପ୍ରଥମ ଭାଗ ଡିସେମ୍ବର ୫, ୨୦୨୫ରେ ମୁକ୍ତିଲାଭ କରିବ | ଦ୍ୱିତୀୟ ଭାଗଟି ୨୦୨୬ ଗ୍ରୀଷ୍ମ ଋତୁରେ ମୁକ୍ତିଲାଭ କରିବ ବୋଲି ଆଶା କରାଯିବ ବୋଲି ସୂଚନା ମିଳିଛି।
