ରାତିରେ ଭାତ ଖାଇଲେ ଓଜନ ବୃଦ୍ଧି ହୁଏ କି ? ଜାଣନ୍ତୁ କଣ କହେ ଆୟୁର୍ବେଦ….
ମଣିଷ ଶରୀରକୁ ସୁସ୍ଥ ରହିବା ପାଇଁ ଦୈନଦିନ ସୁସ୍ଥ ଖାଦ୍ୟ ଅତ୍ୟନ୍ତ ଜରୁରୀ ହୋଇଥାଏ |ତେବେ ଆପଣମାନେ ଆପଣଙ୍କ ଖାଦ୍ୟ ତାଲିକାରେ ରୁଟି, ପନିପରିବା, ଡାଲି ଏବଂ ଭାତ ଏବଂ ଅନ୍ୟାନ୍ୟ ପୋଷକତତ୍ୱକୁ ଖାଦ୍ୟ ଭାବରେ ଗ୍ରହଣ କରୁଥିବେ ନିଶ୍ଚୟ | ତେବେ ଭାତ ଖାଇବା ଶରୀର ପାଇଁ ଭଲ ଅଟେ କାରଣ ଏଥିରୁ ପ୍ରଚୁର ପରିମାଣରେ ଶ୍ୱେତସାର ରହିଥାଏ | କିନ୍ତୁ ଜାଣନ୍ତି କି ରାତିରେ ଭାତ ଅଧିକ ଖାଇବା ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ। ଏ କଥା ଆମେ କହୁନାହୁଁ | ଏହି ବିଷୟରେ ଆୟୁର୍ବେଦରେ ଉଲ୍ଲେଖ କରାଯାଇଛି।
ଆୟୁର୍ବେଦରେ ଭାତ ବିଷୟରେ ବିସ୍ତୃତ ଭାବେ ବର୍ଣ୍ଣନା କରାଯାଇଛି। ଭାତକୁ ଥଣ୍ଡା ଏବଂ ନରମ ଭାବରେ ବିବେଚନା କରାଯାଇଛି। ପୁରୁଣା ଚାଉଳକୁ ହାଲୁକା ବୋଲି ବିବେଚନା କରାଯାଇଥାଏ। ଅପରପକ୍ଷରେ ନୂଆ ଚାଉଳରୁ ପ୍ରସ୍ତୁତ ଭାତ ଭାରୀ ଏବଂ ହଜମ କରିବା କଷ୍ଟକର ହୋଇଥାଏ। କିନ୍ତୁ ଅରୁଆ ଭାତ ଅପେକ୍ଷା ଉଷୁନା ଚାଉଳର ଭାତ ଶରୀର ପାଇଁ ଲାଭପ୍ରଦ ହୋଇଥାଏ | ଏନେଇ ସ୍ୱାସ୍ଥ୍ୟ ବିଶେଷଜ୍ଞ ମାନେ ମଧ୍ୟ ମତ ଦେଇଛନ୍ତି |
ଦିନ ସମୟ ଅପେକ୍ଷା ରାତିରେ ଶରୀରର ହଜମ ଶକ୍ତି ଦୁର୍ବଳ ହୋଇଯାଏ। ଦିନ ବେଳେ ସୂର୍ଯ୍ୟର ଆଲୋକ ଥିବାରୁ ଗରିଷ୍ଠ ଖାଦ୍ୟ ଖାଇଲେ ସହଜରେ ହଜମ ହୋଇଯାଇଥାଏ। ମାତ୍ର ରାତିରେ ଏହା ସମ୍ଭବ ହୋଇ ପାରି ନଥାଏ। ତେଣୁ ରାତିରେ ଭାତ ଖାଇବା ଦ୍ବାରା ଏହା ହଜମ କରିବା କଷ୍ଟକର ହୋଇଥାଏ। ଯାହା ଫଳରେ ଗ୍ୟାସ, ବଦହଜମୀ ଏବଂ ଭାରୀପଣ ଅନୁଭବ ହୁଏ।
ଭାତରେ କାର୍ବୋହାଇଡ୍ରେଟ୍ ଭରପୁର ହୋଇ ରହିଥାଏ । ଯଦିଓ ଏହା ଶକ୍ତି ପ୍ରଦାନ କରେ, କିନ୍ତୁ ରାତିରେ ମେଟାବୋଲିଜିମ୍ ଧୀର ହେବା ଯୋଗୁ ଶରୀର ଏହାକୁ ସମ୍ପୂର୍ଣ୍ଣ ଭାବରେ ହଜମ କରିପାରେ ନାହିଁ। ଯାହା ଫଳରେ ଗ୍ୟାସ୍, ପେଟ ଫୁଲିବା ଏବଂ ଏସିଡିଟି ଭଳି ସମସ୍ୟା ହୋଇଥାଏ। ରାତିରେ ଭାତ ଖାଇବା ପରେ ତୁରନ୍ତ ଶୋଇଗଲେ ଉତ୍ପନ୍ନ ଶକ୍ତି ବ୍ୟବହାର ହୁଏ ନାହିଁ ଏବଂ ଏହା ଚର୍ବି ଭାବରେ ଶରୀରରେ ସଞ୍ଚିତ ହୋଇଥାଏ । ତେଣୁ ଏହା ଦ୍ବାରା ଶରୀରର ଓଜନ ବୃଦ୍ଧି ହୋଇଥାଏ।
ତେଣୁ ରାତ୍ରୀ ଭୋଜନରୁ ଭାତକୁ ସମ୍ପୂର୍ଣ୍ଣ ଭାବରେ ବାଦ ଦେବା ଅନୁଚିତ। ରାତିରେ ହାଲୁକା ଖାଦ୍ୟ ଖାଇଲେ ଭଲ। ଉଦାହରଣ ସ୍ୱରୂପ, ମୁଗ ଡାଲି ଖିଚଡି, ଜିରା ଭାତ, କିମ୍ବା ପନିପରିବା ସହିତ ଭାତ ହଜମ କରିବା ସହଜ ଏବଂ ଏହା ଦ୍ବାରା ଶରୀର ଭାରାକ୍ରାନ୍ତ ହୁଏ ନାହିଁ। ଯଦି ରାତିରେ ଭାତ ଖାଇବାକୁ ପଡୁଛି ତେବେ ତାହା ପୂର୍ବରୁ ଅଳ୍ପ ପାଣି ଉଷୁମ କରି ପିଅନ୍ତୁ | ପାଣି କିମ୍ବା ସୁପ୍ ପିଇଲେ, ଏହା ପାଚନ ଶକ୍ତିକୁ ବଢ଼ାଇବାରେ ସାହାଯ୍ୟ କରିଥାଏ |
ରାତିରେ ଭାତ ପାଇଁ ବ୍ରାଉନ ରାଇସ୍ କିମ୍ବା ପୁରୁଣା ଚାଉଳର ବ୍ୟବହାର କରନ୍ତୁ। ଯେଉଁଥିରେ ଫାଇବର ଅଧିକ ଏବଂ ଷ୍ଟାର୍ଚ କମ୍ ଥାଏ। ଏହା ସହିତ ଖାଦ୍ୟରେ ଅଳ୍ପ ଗୁଆଘିଅ ମିଶାନ୍ତୁ। ଏହା ହଜମ କରିବାରେ ସାହାଯ୍ୟ କରେ ଏବଂ ଗ୍ୟାସ ଭଳି ସମସ୍ୟାକୁ ରୋକିଥାଏ। ଭାରି ଲାଗିବା ଏବଂ ଗ୍ୟାସକୁ ରୋକିବା ପାଇଁ ଖାଇବା ପରେ ୫-୧୦ ମିନିଟ୍ ପରେ କିଛି ସମୟ ଚାଲିବାର ଅଭ୍ୟାସ ରଖନ୍ତୁ | ଏବଂ ଶରୀରକୁ ଭାତ ହଜମ କରିବା ପାଇଁ ସମୟ ଦେବା ଲାଗି ଶୋଇବାର ଦୁଇଘଣ୍ଟା ପୂର୍ବରୁ ଖାଦ୍ୟ ଖାଆନ୍ତୁ | ଏହି ଅଭ୍ୟାସ ଆପଣଙ୍କ ଶରୀରକୁ ଲାଭ ଦେବ |
ଦକ୍ଷିଣ ଭାରତର ଲୋକମାନେ ପ୍ରତିଦିନ ରାତିରେ ଭାତ ଖାଆନ୍ତି। ତଥାପି ସେମାନଙ୍କର ଓଜନରେ ବିଶେଷ ବୃଦ୍ଧି ହୁଏ ନାହିଁ। କାରଣ ସେମାନେ ଏହାକୁ ଦହି, ସମ୍ବର କିମ୍ବା ସିଝା ପନିପରିବା ସହିତ ଖାଆନ୍ତି ଏବଂ ଖାଦ୍ୟ ପରେ ହାଲୁକା କାର୍ଯ୍ୟକଳାପ କରନ୍ତି। ପଖାଳ ଭାତରେ ଥିବା ପ୍ରତିରୋଧୀ ଷ୍ଟାର୍ଚ ଅନ୍ତନଳୀ ପାଇଁ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଇଥାଏ।
