ପ୍ରେମିକ ଅମରଙ୍କୁ ଉଠାଇ ନେଇଛି ପୋଲିସ; ଚିନ୍ତାରେ ଅଜା
ଭୁବନେଶ୍ୱର,୨୯|୧୧: ପ୍ରେମ ପାଇଁ ସୁଦୂର ବିଦେଶରୁ ଫେରି ଆସିଥିଲେ ପ୍ରେମିକା ସେଜଲ ଜନ ଓରଫ ପୂଜା | ଆମେରିକାକୁ କରିଛନ୍ତି ଟା ଟା | ପ୍ରେମ ପାଇଁ ରଚିଥିଲେ ନାଟକୀୟ ଯୋଜନା | ବାଲେଶ୍ୱରରେ ରହୁଥିବା ଯୁବକ ଅମରଙ୍କ ଭଲ ପାଇବା ପାଇଁ ସେ ଆମେରିକା ଭଳି ଦେଶ ଛାଡି ଫେରି ଆସିଛନ୍ତି | ତେବେ କିଛି ଦିନ ପୂର୍ବରୁ ଅମରଙ୍କ ପରିବାର ଉଭୟଙ୍କ ପ୍ରେମକୁ ସ୍ୱିକୃତି ଦେଇଥିଲେ। ଆମେରିକାରୁ ନିଜ ପ୍ରେମିକ ପାଇଁ ଫେରି ଆସିଥିବା ପୂଜାକୁ ବୋହୁ କରିନେବାକୁ ରାଜି ହୋଇଥିଲେ ଅମର ଦାସଙ୍କ ପୁରା ପରିବାର ।
ତେବେ ଏ ପ୍ରେମରେ ଏକ ଅଡୁଆ ସୃଷ୍ଟି ହୋଇଛି | ପ୍ରେମିକ ଅମରକୁ ଉଠାଇ ନେଇଛି ପୋଲିସ | ସୂଚନା ଅନୁସାରେ,ପ୍ରେମିକା ସେଜଲ ଜନ ଓରଫ ପୂଜାକୁ ଆମେରିକାର ଏକ ଦମ୍ପତ୍ତି ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ | କିନ୍ତୁ ୨୦୨୪ ମସିହାରେ ପୂଜା ତାଙ୍କ ବାପା ଏବଂ ମା ଙ୍କ ନାମରେ ଗୁରୁତର ଅଭିଯୋଗ ଆଣିଥିଲେ | ସେ ସୋସିଆଲ ମିଡିଆରେ ଏକ ଭିଡିଓ ମାଧ୍ୟମରେ ଅଭିଯୋଗ ଆଣିଥିଲେ | ସେଥିରେ ସେ କହିଥିଲେ ଯେ, ତାଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିବା ବାପା ଏବଂ ମା ଉଭୟ ତାଙ୍କୁ ଶାରୀରିକ ଏବଂ ମାନସିକ ନିର୍ଯାତନା ଦେଉଛନ୍ତି | ଏବଂ ତାଙ୍କୁ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ବାଧ୍ୟ କରୁଛନ୍ତି | ଏ ଭିଡିଓ ମାଧ୍ୟମରେ ଓଡିଶା ସରକାରଙ୍କୁ ସାହାଯ୍ୟ କରିବାକୁ ମଧ୍ୟ ନିବେଦନ କରିଥିଲେ |
କିନ୍ତୁ ଏବେ କିଛିଦିନ ପୂର୍ବରୁ ପୂଜା ଆମେରିକା ଛାଡି ଚାଲି ଆସିଛନ୍ତି ପ୍ରେମିକ ଅମରଙ୍କ ପାଇଁ | କିନ୍ତୁ ଓଡିଶା ଆସିବା ପରେ ସେ ପୂର୍ବରୁ ତାଙ୍କ ବାପା ଏବଂ ମାଙ୍କ ନାମରେ କରିଥିବା ଅଭିଯୋଗକୁ ମିଛ ବୋଲି କହିଥିଲେ | ଏବଂ ସେ କେବଳ ଅମରଙ୍କ ପାଇଁ ଆସିଛନ୍ତି ବୋଲି କହିଥିଲେ | ନାଟକୀୟ ଭାବେ ରଚା ଯାଇଥିବା ଯୋଜନାର ପରଦା ଉଠିଛି | ପୂଜା ଆମେରିକାରୁ ଫେରିବା ପରେ ବାଲେଶ୍ୱରର ନାରୀ ସତୀ ଗୃହରେ ରହିଥିଲେ | ଏହି ସମୟରେ ପ୍ରେମିକାଙ୍କୁ ଭେଟିବା ପାଇଁ ଅମର ଜୋର ଜବରଦସ୍ତି ନାରୀ ଶକ୍ତି ଗୃହରେ ପଶିବାକୁ ଚେଷ୍ଟା କରିଥିଲା | ପରେ ନାରୀ ଶକ୍ତି ଗୃହର ସଭାପତି ପୋଲିସକୁ ସୂଚନ ଦେବା ମାତ୍ରେ ସହଦେବ ଖୁଣ୍ଟା ଥାନା ପୋଲିସ ପହଞ୍ଚି ଅମରଙ୍କୁ ଥାନାକୁ ନେଇଯାଇଛି | ଏବଂ ପଚାର ଉଚରା ଜାରି ରଖିଛି | ପୂଜା ସହ ତାଙ୍କର ସମ୍ପର୍କ କିଭଳି ସ୍ଥାପନ ହେଲା ଏବଂ ପୂଜା କେମିତି ଆମେରିକାରୁ ଫେରିଲେ ସେ ବାବଦରେ ସମ୍ପୂର୍ଣ୍ଣ ତଥ୍ୟ ସଂଗ୍ରହ କରିବା ଜାରି ରଖିଛି ପୋଲିସ | ତେବେ ନାତିକୁ ପୋଲିସର ଏମିତି ଅଚାନକ ଭାବେ ଉଠାଇନେବାରେ ଚିନ୍ତାରେ ପଡିଯାଇଛନ୍ତି ପ୍ରେମିକ ଅମରର ଅଜା |
ସେ କହିଛନ୍ତି ଯେ, ଉଭୟ ଅଲଗା ଅଲଗା ଜାଗାରେ ରହୁଥିଲେ ତା ପ୍ରେମ ତାଙ୍କ ଭିତରେ କେବେ ଆଉ କେଉଁଠି ହେଲା ବୋଲି ସେ ଗଣମାଧ୍ୟମରେ ପ୍ରଶ୍ନ କରିଛନ୍ତି | ଏବଂ ଆହୁରି ମଧ୍ୟ କହିଛନ୍ତି ପୋଲିସ କାହିଁକି ଉଠାଇ ନେଲା କଣ ପ୍ରଶ୍ନ ଅମରକୁ ପଚାରୁଛି ସେ ବାବଦରେ ସେ କିଛି ବି ଜାଣି ନାହାନ୍ତି | ତେବେ ପୋଲିସର ପଚରା ଉଚରା ପରେ ଅମର ପୂଜାର ବାପା ମା ଙ୍କୁ ଏକ କୋଟି ଟଙ୍କା ମାଗିଥିବାର ଜଣା ପଡିଛି |
