ଆପଣଙ୍କ ପିଲା କଣ ସ୍କ୍ରିନ ଜୋମ୍ବି ହୋଇଗଲାଣି? କିପରି ରୋକିବେ ଏହି ସମସ୍ୟାକୁ, ଜାଣନ୍ତୁ ତାହା ବିଷୟରେ…

ଓଡ଼ିଶା ଡଟ୍ ନ୍ୟୁଜ୍

ବର୍ତ୍ତମାନ ଜେନେରେସନ୍ ଯାହାକୁ GEN Z ବୋଲି କୁହାଯାଉଛି | ସେମାନେ ଅଧିକାଂଶ ସମୟ ଅନଲାଇନ୍ କଣ୍ଟେଣ୍ଟ ବ୍ୟବହାର କରିବାରେ ବିତାଇଥାନ୍ତି। ସେ ରିଲ୍ସ ଦେଖିବା ହେଉ କିମ୍ବା ବାରମ୍ବାର ଭିଡିଓ କୁ ସ୍କ୍ରୋଲ୍ କରିବା ହେଉ, ପିଲାମାନେ ସବୁବେଳେ ମୋବାଇଲ୍ ଫୋନ୍ ବ୍ୟବହାର କରୁଛନ୍ତି। ତେବେ ଏହା ସେମାନଙ୍କ ସ୍ୱାସ୍ଥ୍ୟ ଉପରେ ଗୁରୁତର ପ୍ରଭାବ ପକାଉଛି।

ଲଗାତାର ଭାବେ ବହୁତ ସମୟ ଧରି ମୋବାଇଲ ଦେଖିବା ଫଳରେ ସେମାନେ ଚାପ ଏବଂ ମାନସିକ ଅବସାଦର ଶିକାର ହେଉଛନ୍ତି। ଏହି ପରିସ୍ଥିତିକୁ ଦୂର କରିବାରେ ସାହାଯ୍ୟ କରିବା ପାଇଁ, ସେମାନଙ୍କୁ ଅଫଲାଇନ୍ କାର୍ଯ୍ୟକଳାପରେ ସାମିଲ କରିବା ଅତ୍ୟନ୍ତ ଆବଶ୍ୟକ ଯାହା ସେମାନଙ୍କୁ ଭର୍ଚୁଆଲ୍ ଦୁନିଆରୁ ବାହାର କରି ବାସ୍ତବ ଦୁନିଆ ସହିତ ଯୋଡ଼ିପାରିବ।

ମୋବାଇଲ କିମ୍ବା ଇଣ୍ଟରନେଟ ଦୁନିଆ ପିଲାମାନଙ୍କ ଉପରେ କୁ ପ୍ରଭାବ ପକାଇଥାଏ ଯାହା ଫଳରେ ସେମାନେ ଶାରୀରିକ ଏବଂ ମାନସିକ ବିକାଶକୁ ପ୍ରଭାବିତ କରୁଥିବା ଅନେକ ଖେଳରୁ ଦୂରେଇ ଯାଇଥାନ୍ତି | ଏବଂ ଏହାର ଆଉ ଏକ କାରଣ ରହିଛି ଏଥିରେ ପିଲାମାନଙ୍କର ଏକୁଟିଆ ପଣ ଏବଂ ଚିଡ଼ ଚିଡ଼ା ସ୍ଵଭାଵ ବୃଦ୍ଧି ପାଇଥାଏ |

ତେବେ ଏହି ସବୁ ସମସ୍ୟା ଦୂରେଇବାରେ ନିମ୍ନ ଲିଖିତ କାର୍ଯ୍ୟକଳାପ ଲାଭ ଦାୟକ ହୋଇପାରେ | ଜାଣନ୍ତୁ କଣ ସବୁ ସେହି କାର୍ଯ୍ୟକଳାପ ବିଷୟରେ….

ପ୍ରକୃତିର ନିକଟତର: ଯଦିଓ ଆପଣଙ୍କ ପିଲା ଆଗ୍ରହୀ ନୁହଁ, ତଥାପି ପିତାମାତାମାନେ ସେମାନଙ୍କୁ ପ୍ରତିଦିନ ପାର୍କ ଭଳି ଖୋଲା ସ୍ଥାନ ବୁଲି ଯିବାକୁ ଉତ୍ସାହିତ କରିବା ଉଚିତ। ଏହା ସେମାନଙ୍କୁ ପ୍ରକୃତିର ନିକଟତର କରିବ ଏବଂ ସେମାନଙ୍କ ମାନସିକ ସ୍ୱାସ୍ଥ୍ୟ ଉପରେ ସକାରାତ୍ମକ ପ୍ରଭାବ ପକାଇବ ।

ବନ୍ଧୁମାନଙ୍କ ସହିତ ଭେଟନ୍ତୁ: ଅନଲାଇନରେ କଥାବାର୍ତ୍ତା କରିବା ପରିବର୍ତ୍ତେ ସେମାନଙ୍କୁ ମୁହାଁମୁହିଁ ହେବାକୁ କୁହନ୍ତୁ। ପିଲାମାନଙ୍କୁ ଲାଳନପାଳନ କରିବାରେ ଦୃଢ଼ ସାମାଜିକ ସମ୍ପର୍କ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ।

ପଠନ ଅଭ୍ୟାସ: ପୁସ୍ତକଗୁଡ଼ିକ ପିଲାମାନଙ୍କର ବନ୍ଧୁ ଏବଂ ସେମାନଙ୍କୁ ଏକ ଭିନ୍ନ ଦୁନିଆକୁ ନେଇଯାଏ। ଗବେଷଣାରୁ ଜଣାପଡିଛି ଯେ, କାଳ୍ପନିକ ପାଠ ପିଲାମାନଙ୍କର ସମ୍ବେଦନଶୀଳତାକୁ ବୃଦ୍ଧି କରେ।

ଡାଏରୀ: ଆପଣଙ୍କ ମୋବାଇଲ୍ ଫୋନ୍ କିମ୍ବା ଲାପଟପ୍‌ରେ ଟାଇପ୍ କରିବା ପରିବର୍ତ୍ତେ, ଛୁଆଙ୍କୁ କଲମ୍ ଏବଂ କାଗଜ ସାହାଯ୍ୟରେ କିଛି ଲେଖିବାକୁ କୁହନ୍ତୁ ଏହା ଆପଣଙ୍କ ପିଲା ଦିନସାରା ଅନୁଭବ କରିଥିବା ଏକ ଛୋଟ କାର୍ଯ୍ୟକଳାପ କିମ୍ବା ଘଟଣା ହେଲେ ମଧ୍ୟ ଚଳିବ |

ରୋଷେଇ ସମୟ: ଆପଣଙ୍କ ପିଲାମାନଙ୍କୁ ରୋଷେଇ କାର୍ଯ୍ୟରେ ସାମିଲ କରନ୍ତୁ। ସେମାନଙ୍କୁ ସ୍ଥାନୀୟ ପନିପରିବା ବଜାର କିମ୍ବା ଫାର୍ମକୁ ନେଇଯାଆନ୍ତୁ। ଏହା ସେମାନଙ୍କୁ ସାଧାରଣତଃ ସାମାନ୍ୟ କାମ ବୋଲି କହି ଖାରଜ କରୁଥିବା କାର୍ଯ୍ୟଗୁଡ଼ିକର ଗୁରୁତ୍ୱ ବୁଝିବାରେ ସାହାଯ୍ୟ କରିବ।

ନୂତନ କୌଶଳ: ପିଲାମାନଙ୍କୁ ନୂତନ କୌଶଳ ଶିଖିବାକୁ ଉତ୍ସାହିତ କରନ୍ତୁ, ଯେପରିକି ଏକ ନୂତନ ବାଦ୍ୟଯନ୍ତ୍ର ଶିଖିବା, ରୋଷେଇ କାର୍ଯ୍ୟରେ ସମ୍ନ୍ୟ ସାହାଯ୍ୟ କରିବା , କିମ୍ବା ସିଲାଇରେ ମଧ୍ୟ ହେଉ। କିଛି ନୂତନ ଶିଖିବା ମାନସିକ ବିକାଶରେ ସାହାଯ୍ୟ କରେ।

ଏକାଠି ଖେଳ ଖେଳନ୍ତୁ: ବୋର୍ଡ ଖେଳ ହେଉ କିମ୍ବା ଯେ କୌଣସି ଅଫଲାଇନ ପଜଲ୍, ଏଥିପାଇଁ ଇଣ୍ଟରନେଟ୍ ସଂଯୋଗର ଆବଶ୍ୟକତା ନାହିଁ। ଏଥିରେ ଆପଣଙ୍କ ପିଲାର ବନ୍ଧୁ କିମ୍ବା ପରିବାର ସଦସ୍ୟ ମଧ୍ୟ ସାମିଲ ହୋଇ ଖେଳି ପାରିବେ |

ସାମୁଦାୟିକ କାର୍ଯ୍ୟ: ପିଲାମାନଙ୍କୁ ଛୋଟ ବୟସରୁ ସାମୁଦାୟିକ କାର୍ଯ୍ୟ କିମ୍ବା ଅଭିଯାନରେ ନିୟୋଜିତ କରି ସେମାନଙ୍କ ମଧ୍ୟରେ ସମାଜ ପ୍ରତି କିଛି କର୍ତ୍ତବ୍ୟ କରିବାର ଭାବନାକୁ ଜାଗ୍ରତ କରନ୍ତୁ | ଏହା ପିଲାମାନଙ୍କ ମଧ୍ୟରେ ଏକ ସକାରାତ୍ମକ ପରିବର୍ତ୍ତନ ଆଣିଥାଏ।