ମା’ ହେବାକୁ ଯାଉଛନ୍ତି ଅଭିନେତ୍ରୀ ଅର୍ଚ୍ଚିତା…
Oplus_16908288
ଭୁବନେଶ୍ୱର: ଲୋକପ୍ରିୟ ଓଡ଼ିଆ ଚଳଚ୍ଚିତ୍ର ଅଭିନେତା ସବ୍ୟସାଚୀ ମିଶ୍ର ଏବଂ ଅଭିନେତ୍ରୀ ଅର୍ଚ୍ଚିତା ସାହୁ ପ୍ରଶଂସକଙ୍କ ସହ ଖୁସିର ଖବର ବାଣ୍ଟିଛନ୍ତି।
ଅଭିନେତ୍ରୀ ଅର୍ଚ୍ଚିତା ସାହୁ ଖୁବ୍ ଶୀଘ୍ର ମା’ ହେବାକୁ ଯାଉଛନ୍ତି। ସୋସିଆଲ୍ ମିଡିଆରେ ପୋଷ୍ଟ ହୋଇଥିବା ଏକ ଭିଡିଓ ମାଧ୍ୟମରେ ଏହି ଦମ୍ପତି ଏନେଇ ଘୋଷଣା କରିଛନ୍ତି। ଉକ୍ତ ଭିଡିଓରେ ସବ୍ୟସାଚୀ ଏବଂ ଅର୍ଚ୍ଚିତା ଭୁବନେଶ୍ୱରର ଲିଙ୍ଗରାଜ ମନ୍ଦିର ନିକଟରେ ଠିଆ ହୋଇଥିବାର ଦେଖାଯାଇଛି। ଯେଉଁଠାରେ ସେମାନେ ସେମାନଙ୍କ ପ୍ରଶଂସକଙ୍କୁ ଏହି ଖବର ଜଣାଇଥିଲେ। ଭିଡିଓ ସେୟାର ହେବା ପରେ ପ୍ରଶଂସକ ଏବଂ ଅନେକ ସେଲିବ୍ରିଟି ଅଭିନନ୍ଦନ ଏବଂ ଶୁଭେଚ୍ଛାର ବର୍ଷା କରିଛନ୍ତି।
ତେବେ ସବ୍ୟସାଚୀ ମିଶ୍ରଙ୍କ ସହ ବିବାହର ପ୍ରାୟ ପାଞ୍ଚ ବର୍ଷ ପରେ ଅର୍ଚ୍ଚିତା ମା’ ହେବାକୁ ଯାଉଛନ୍ତି। ଏହି ଦମ୍ପତି ମାର୍ଚ୍ଚ ୧, ୨୦୨୧ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ।
