ସ୍ୱାସ୍ଥ୍ୟ ଏବଂ ଅବଧି ଜୀବନ ବୀମା ଉପରେ ଶୂନ୍ୟ GST: ଆପଣଙ୍କର ଅଟୋ-ଡେବିଟ୍ ଯାଞ୍ଚ କରନ୍ତୁ, ଚାର୍ଜ ହେଲେ ରିଫଣ୍ଡ ପାଇଁ ଦାବି କରନ୍ତୁ
ବର୍ତ୍ତମାନର ସମୟରେ, ସ୍ୱାସ୍ଥ୍ୟ ସମସ୍ୟା ଏବଂ ଚିକିତ୍ସା ଖର୍ଚ୍ଚ ଦିନକୁ ଦିନ ବୃଦ୍ଧି ପାଉଛି | ଏହି ସମୟରେ ସ୍ୱାସ୍ଥ୍ୟ ବୀମା ଆପଣଙ୍କ ସ୍ୱାସ୍ଥ୍ୟ ଏବଂ ଆର୍ଥିକ ସୁରକ୍ଷା ର ସମାଧାନ ଭାବେ ଉଭା ହୋଇଛି | ଆଉ ଏଥିରେ ନିବେଶ କରିବା ଦ୍ୱାରା ଆପଣଙ୍କ ଜୀବନର ଅଧା ସମସ୍ୟା ଦୂର ହୋଇଥାଏ | ତଥାପି, ଉଚ୍ଚ ପ୍ରିମିୟମ୍ ଭରିବା ଅନେକ ଲୋକଙ୍କୁ ଏଥିରେ ନିବେଶ କରିବାରେ ବାଧା ସୃଷ୍ଟି କରିଥାଏ। ଯଦି ଆପଣବି ଏହାକୁ ନେଇ ଚିନ୍ତା କରୁଛନ୍ତି ତାହାଲେ ଆପଣଙ୍କ ପାଇଁ ଏକ ଖୁସି ଖବର ରହିଛି | ସୂଚନା ରହିଛିଯେ, ଗତ ୨୨ ସେପ୍ଟେମ୍ବର ୨୦୨୫ରେ, କେନ୍ଦ୍ର ସରକାର ସମସ୍ତ ସ୍ୱାସ୍ଥ୍ୟ ବୀମା ପ୍ରିମିୟମ ଉପରେ ୧୮% GST ହଟାଇବା ପାଇଁ ନିଷ୍ପତ୍ତି ନେଇଥଲେ। ସାମ୍ପ୍ରତିକ GST ପରିବର୍ତ୍ତନ ଯୋଗୁଁ ସ୍ୱାସ୍ଥ୍ୟ ବୀମାରେ ପ୍ରାୟ ୧୮% ଶସ୍ତା ହୋଇଯାଇଛି।
ସରକାରଙ୍କ ବିଜ୍ଞପ୍ତି ଅନୁସାରେ, ସ୍ୱାସ୍ଥ୍ୟ ବୀମା ପଲିସିଧାରକଙ୍କ ପାଇଁ ସ୍ୱାସ୍ଥ୍ୟ ବୀମା ଏବଂ ଅବଧି ଜୀବନ ବୀମାର ପ୍ରିମିୟମ ଉପରେ GST ଚଳିତ ବର୍ଷ ଠାରୁ ଶୂନ୍ୟକୁ ହ୍ରାସ କରାଯାଇଛି। ସୂଚନା ରହିଛିଯେ, ପୂର୍ବରୁ, ପଲିସିଧାରକମାନେ ଏହି ବୀମା ପ୍ରିମିୟମ ଉପରେ 18% GST ଦେଉଥିଲେ | ତେବେ ସଂଶୋଧନ ନିୟମ ଅନୁସାରେ,ସ୍ୱାସ୍ଥ୍ୟ ବୀମା ଏବଂ ଅବଧି ଜୀବନ ବୀମାର ପ୍ରିମିୟମ ଉପରେ ଏବେ ସମ୍ପୂର୍ଣ୍ଣ ଛାଡ଼ ପାଇବା ସହିତ, ସେମାନଙ୍କର ପଲିସି ନବୀକରଣ କିମ୍ବା ଜାରି ରଖୁଥିବା ଗ୍ରାହକମାନଙ୍କୁ ଆଉ ସେମାନଙ୍କର ପ୍ରିମିୟମ ପରିମାଣ ଉପରେ କୌଣସି ଟିକସ ଆଦାୟ କରାଯିବା ଉଚିତ୍ ନୁହେଁ।
ଅନେକ ପଲିସିଧାରକଙ୍କ ବୀମା ପ୍ରିମିୟମ ସେମାନଙ୍କର ବ୍ୟାଙ୍କ ଆକାଉଣ୍ଟ କିମ୍ବା କ୍ରେଡିଟ୍ କାର୍ଡରୁ ସ୍ୱୟଂ-ଡେବିଟ୍ ହୋଇଯାଏ। କିନ୍ତୁ କିଛି ସ୍ଥାନରେ ଇନ୍ସୁରାନ୍ସ ବୀମା କମ୍ପାନୀ ଗୁଡିକ, ବୀମାକାରୀ କିମ୍ବା ପେମେଣ୍ଟ ସିଷ୍ଟମଗୁଡ଼ିକ ସିଷ୍ଟମରେ ସର୍ଭର ସମସ୍ୟା କିମ୍ବା ସ୍ଥାୟୀ ନିର୍ଦ୍ଦେଶାବଳୀ ଅପଡେଟ୍ ନହେବା କାରଣ ସମସ୍ୟା ଦେଖାଇ ୧୮ ପ୍ରତିଶତ GST ସମେତ ପୁରୁଣା ପ୍ରିମିୟମ ପରିମାଣ ଏବେବି ପଇସା କାଟିବାରେ ଲାଗିଛନ୍ତି |
ତେବେ ଏହି ସଂଶୋଧିତ ନିୟମ ଲାଗୁ ହେବା ପରଠାରୁ ଯଦି ଆପଣଙ୍କ GST ବୀମା କମ୍ପାନୀ ପକ୍ଷରୁ କଟାଯାଇଛି, ତେବେ ଗ୍ରାହକମାନେ ଅତିରିକ୍ତ ପରିମାଣର ରିଫଣ୍ଡ ପାଇଁ ଯୋଗ୍ୟ ବିବେଚିତ ହେବେ |
ତେବେ ଏହି ନିୟମ ଲାଗୁ ହେବା ପରେ ମଧ୍ୟ ଯଦି ଆପଣଙ୍କର GST କାଟୁଥାଏ ତାହାଲେ ଆପଣ କଣ କରିବେ,ଜାଣନ୍ତୁ….
ଆପଣଙ୍କର ସର୍ବଶେଷ ପ୍ରିମିୟମ୍ ଡେବିଟ୍ (ବ୍ୟାଙ୍କ ଷ୍ଟେଟମେଣ୍ଟ କିମ୍ବା କାର୍ଡ ଷ୍ଟେଟମେଣ୍ଟ) ଯାଞ୍ଚ କରନ୍ତୁ |କଟାଯାଇଥିବା ପରିମାଣରେ GST କଟିଛି କି ନାହିଁ ତାହା ଯାଞ୍ଚ କରନ୍ତୁ | କଟାଯାଇଥିବା GST ପାଇଁ ଫେରସ୍ତ ଅନୁରୋଧ କରନ୍ତୁ | ପଲିସି ଡକ୍ୟୁମେଣ୍ଟ, ପ୍ରିମିୟମ୍ ରସିଦ ଏବଂ ଡେବିଟ୍ ପ୍ରମାଣର ଏକ କପିକୁ ପ୍ରମାଣ ଭାବେ ପାଖରେ ରଖନ୍ତୁ |
ଅଧିକାଂଶ ବୀମାକାରୀଙ୍କ ପାଖରେ ସମର୍ପିତ ଅଭିଯୋଗ ଏବଂ ଫେରସ୍ତ ପଦ୍ଧତି ଅଛି, ଏବଂ ଯାଞ୍ଚ ପରେ କିଛି କାର୍ଯ୍ୟ ଦିବସ ମଧ୍ୟରେ ପଲିସିଧାରକ ମାନଙ୍କୁ ଟଙ୍କା ଫେରସ୍ତ କରାଯାଏ। ସ୍ୱାସ୍ଥ୍ୟ ଏବଂ ଟର୍ମ ବୀମା ଅତ୍ୟାବଶ୍ୟକୀୟ ଆର୍ଥିକ ସୁରକ୍ଷା ଲାଭ ହୋଇଥାଏ। GST ହଟାଇବା ଦ୍ୱାରା ପରିବାର ଉପରେ ବୋଝ ହ୍ରାସ ପାଏ ଏବଂ ବିଶେଷକରି ଯେତେବେଳେ ଚିକିତ୍ସା ଖର୍ଚ୍ଚ ଦ୍ରୁତ ଗତିରେ ବୃଦ୍ଧି ପାଉଛି ସେତେବେଳେ ଏହା ଅଧିକ ଲାଭଦାୟକ ହୋଇଥାଏ |
ଉପଭୋକ୍ତା ଅଧିକାର ବିଶେଷଜ୍ଞମାନେ ପଲିସିଧାରୀମାନଙ୍କୁ ସତର୍କ ରହିବାକୁ ମଧ୍ୟ ପରାମର୍ଶ ଦିଅନ୍ତି, କାରଣ ସ୍ୱୟଂ-ଡେବିଟ୍ ତ୍ରୁଟିଗୁଡ଼ିକ ପ୍ରାୟତଃ ସମୟରେ ଅଣଦେଖା କରାଯାଏ, ଯାହା ବର୍ଷ ପରେ ବର୍ଷ ଅଧିକ ଚାର୍ଜିଂ କରିଥାଏ। ଯଦି ଆପଣ ଏକ ସ୍ୱାସ୍ଥ୍ୟ ବୀମା କିମ୍ବା ଟର୍ମ ବୀମା ପଲିସି କରୁଛନ୍ତି ତାହା ପୂର୍ବରୁ ଆପଣଙ୍କର ପ୍ରିମିୟମ୍ ରସିଦଗୁଡ଼ିକୁ ସତର୍କତାର ସହ ଯାଞ୍ଚ କରନ୍ତୁ। ଯଦି ଛାଡ ସତ୍ତ୍ୱେ ମଧ୍ୟ GST ଆଦାୟ କରାଯାଇଛି, ତେବେ ଆପଣଙ୍କର ଟଙ୍କା ଫେରସ୍ତ ପାଇଁ ଦାବି କରନ୍ତୁ |
