ଭାରତରେ ୫୭ ନୂଆ କୋଟିପତି; ନମ୍ବର-୧ରେ ମୁକେଶ ଅମ୍ବାନୀ!
ନୂଆଦିଲ୍ଲୀ ,୭|୩: ଦେଶର ଧନୀ ତାଲିକାରେ ମୁକେଶ ଅମ୍ବାନୀ ରହିଛନ୍ତି ପ୍ରଥମ ସ୍ଥାନରେ | ହୁରୁନ୍ ଗ୍ଲୋବାଲ୍ ରିଚ୍ ଲିଷ୍ଟ ୨୦୨୬ର ସଦ୍ୟ ତଥ୍ୟ ଅନୁଯାୟୀ ଭାରତରେ ଗତ ଗୋଟିଏ ବର୍ଷ ମଧ୍ୟରେ ୫୭ ଜଣ ନୂଆ କୋଟିପତି ସ୍ଥାନ ପାଇଛନ୍ତି । ଭାରତରେ କୋଟିପତିଙ୍କ ସଂଖ୍ୟା ବର୍ତ୍ତମାନ ଶୀର୍ଷରେ ରହିଛି । ଭାରତ ଏବେ ଚୀନ୍ ଏବଂ ଆମେରିକା ପରେ ବିଶ୍ୱର ତୃତୀୟ ବୃହତ କୋଟିପତି ଭାବେ ପରିଚୟ ପାଇଛି । ତେବେ ଭାରତୀୟ କୋଟିପତିଙ୍କ ମୋଟ ସମ୍ପତ୍ତି ବର୍ତ୍ତମାନ ପ୍ରାୟ ୧୧୨ ଲକ୍ଷ କୋଟି ଟଙ୍କାରେ ପହଞ୍ଚିଛି। ଯାହା ଅନେକ ଦେଶର ଜିଡିପି ଠାରୁ ମଧ୍ୟ ଢେର ଅଧିକ ରହିଛି | ରିଲାଏନ୍ସ ଇଣ୍ଡଷ୍ଟ୍ରିଜ୍ ଅଧ୍ୟକ୍ଷ ମୁକେଶ ଅମ୍ବାନୀ ପୁଣି ଥରେ ଦେଶର ଧନୀଶାଳୀ ବ୍ୟକ୍ତି ଭାବେ ପରିଗଣିତ ହୋଇଛନ୍ତି |ତାଙ୍କର ନେଟ୍ ସମ୍ପତ୍ତି ୯ ପ୍ରତିଶତ ବୃଦ୍ଧି ପାଇ ପ୍ରାୟ ୯.୮ ଲକ୍ଷ କୋଟି ଟଙ୍କା ରେ ପହଞ୍ଚିଛି। ସେ କେବଳ ଭାରତର ସବୁଠାରୁ ଧନୀ ବ୍ୟକ୍ତି ନୁହଁନ୍ତି, ବରଂ ଏସିଆର ସବୁଠାରୁ ଧନୀ ରଇସ୍ ଶାଖଙ୍କ ଉପାଧି ମଧ୍ୟ ପାଇଛନ୍ତି।
