ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ବିଜେଡିକୁ ଆଉ ଏକ ବଡ଼ ଝଟକା ଲାଗିଛି । ଦଳର ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ ବିଜେଡି ଛାଡ଼ିଲେ, ବିଜେପିରେ ଯୋଗ ଦେବାକୁ ଯାଉଥିବା ନେଇ ଚର୍ଚ୍ଚା ଜୋର ଧରିଛି । ସୋମବାର ସେ ଦିଲ୍ଲୀରେ ବିଜେପିରେ ଯୋଗ ଦେଇପାରନ୍ତି ବୋଲି ସୂଚନା ମିଳିଛି ।

ଦେବାଶିଷ ସାମନ୍ତରାୟଙ୍କ ଏହି ପଦକ୍ଷେପକୁ ବିଜେଡି ପାଇଁ ବଡ଼ ରାଜନୈତିକ ଝଟକା ବୋଲି ଦେଖାଯାଉଛି । ପୂର୍ବରୁ ମମତା ମହାନ୍ତ ଓ ସୁଜିତ କୁମାର ବିଜେଡି ଛାଡ଼ି ବିଜେପିରେ ଯୋଗ ଦେଇଥିଲେ । ଏବେ ଦେବାଶିଷ, ତେବେ ରାଜ୍ୟସଭାରେ ବିଜେଡିର ସଂଖ୍ୟା ୫କୁ ଖସିଛି ।

ବର୍ତ୍ତମାନ ବିଜେଡିରେ ରହିଥିବା ରାଜ୍ୟସଭା ସାଂସଦମାନେ ହେଲେ —

• ସୁଭାଶିଷ ଖୁଣ୍ଟିଆ
• ସସ୍ମିତ ପାତ୍ର
• ସୁଲତା ଦେଓ
• ମାନସ ମଙ୍ଗରାଜ
• ସନ୍ତୃପ୍ତ ମିଶ୍ର

ଦେବାଶିଷ ସାମନ୍ତରାୟ ଗତ କିଛି ମାସ ଧରି ଦଳୀୟ କାର୍ଯ୍ୟପ୍ରଣାଳୀକୁ ନେଇ ଅସନ୍ତୁଷ୍ଟ ଥିବା କୁହାଯାଉଥିଲା ।