ପ୍ରଜ୍ଞା ପଟ୍ଟନାୟକ

1/06/2023 at 1:46 PM

ୱାସିଂଟନ: ଆମେରିକା ଗସ୍ତରେ ଯାଇଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ଆମେରିକାରୁ ସିଧାସଳଖ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ରାହୁଲ। ଆମେରିକା ଗସ୍ତ ସମୟରେ ବିଭିନ୍ନ କାର୍ଯ୍ୟକ୍ରମରେ ସାମିଲ ହେଉଛନ୍ତି ରାହୁଲ। ଏହି ସମୟରେ ଚୀନ-ଭାରତ ସୀମା ବିବାଦକୁ କେନ୍ଦ୍ର କରି ସରକାରଙ୍କୁ ଟାର୍ଗେଟ କରିଛନ୍ତି ରାହୁଲ।

ସେ କହିଛନ୍ତି ଚୀନ୍‌ କବ୍‌ଜାରେ ଭାରତର ଅଂଶ ରହିଛି। ଦେଶରେ ଗଣତାନ୍ତ୍ରିକ ସଂସ୍ଥା ଉପରେ ସରକାରଙ୍କ ନିୟନ୍ତ୍ରଣ, ପେଗାସସ ସ୍ପାଏଓ୍ବେର ଓ ଲୋକସଭା ସଦସ୍ୟତା ରଦ୍ଦକୁ ନେଇ କେନ୍ଦ୍ର ସରକାରଙ୍କୁ ଆକ୍ଷେପ କରିଛନ୍ତି ରାହୁଲ ।

ସୀମାରେ ଭାରତର ଅଂଶ ଏବେ ଚୀନ କବଜାରେ ରହିଛି । ଆଗକୁ ଦୁଇ ଦେଶ ମଧ୍ୟରେ ତିକ୍ତତା ଆହୁରି ବଢିପାରେ ବୋଲି କହିଛନ୍ତି ରାହୁଲ।ଏହା ସହ ପୂର୍ବରୁ ମାନହାନି ମାମଲାରେ ମୋତେ ଅଧିକ ଦଣ୍ଡ ମିଳିଛି ବୋଲି ନିଜ ଉଦବୋଧନରେ କହିଛନ୍ତି ରାହୁଲ ଗାନ୍ଧୀ।