ଗଣପତି ବାଘ4/06/2023 at 7:45 PM
ସୁବର୍ଣ୍ଣପୁର-ଜଗତର ନାଥ ଜଗନ୍ନାଥଙ୍କ ଅନନ୍ୟ ଲିଳାକ୍ଷେତ୍ର ସୁବର୍ଣ୍ଣପୁର ଜିଲ୍ଲାର କୋଟସମଲାଇ ସ୍ଥିତ ଶ୍ରୀ ପାତାଳୀ କ୍ଷେତ୍ରରେ ସ୍ନାନ ଯାତ୍ରା ସମ୍ପର୍ଣ୍ଣ ହୋଇଛି । ଘଣ୍ଟ ଘଂଟା ଶଙ୍ଖ ଧ୍ବନୀରେ ଭକ୍ତଙ୍କ ଗହଣରେ ମହାପ୍ରଭୁଙ୍କ ସ୍ନାନ ପୂର୍ଣ୍ଣିମା ଯାତ୍ରା ହୋଇଛି । ପୂଜା ବିଧିରେ ମହାପ୍ରଭୁଙ୍କ ସ୍ନାନଯାତ୍ରା ରେ ଭକ୍ତି ମୟ ପରିବେଶ ସୃଷ୍ଟି ହୋଇଥିଲା । । ସ୍ନାନ ମଣ୍ଡପରେ ମହାପ୍ରଭୁ ୧୦୮ ଗରା ସୁବାସିତ ଜଳରେ ସ୍ନାନ କଲେ । ମହାପ୍ରଭୁଙ୍କ ମଇଲମ୍, ସର୍ବାଙ୍ଗ, ନୂଆ ଲୁଗା ଲାଗି ଆରମ୍ଭ ହୋଇଥିଲା । ମହାପ୍ରଭୁଙ୍କ ବେଶ ନୀତି ସମ୍ପନ୍ନ ପରେ ସେବାୟତମାନଙ୍କ ଦ୍ୱାରା ଜଳ ଲାଗି ନୀତି ସମ୍ପନ୍ନ ହୋଇଛି। ଶ୍ରୀ ଜୀଉଙ୍କ ଜଳ ସସ୍କାର ଓ ପୂଜା ନୀତି ହୋଇଥିଲା । ବଡ ଠାକୁର ବଳଭଦ୍ରଙ୍କ ୩୩ କୁମ୍ଭ ଜଳ, ଶ୍ରୀ ଜଗନ୍ନାଥଙ୍କ ୩୫ କୁମ୍ଭ ଜଳ, ଦେବୀ ସୁଭଦ୍ରା ଙ୍କ ୨୨ କୁମ୍ଭ ଜଳ ଓ ସୁଦର୍ଶନ ଙ୍କ ପାଇଁ ୧୮ କୁମ୍ଭ ଜଳ ରେ ମହାପ୍ରଭୁଙ୍କ ସ୍ନାନ ପୂର୍ଣ୍ଣିମା ହୋଇଛି । ଛଳିଆ ପାହାଡର ସ୍ନାନ ମଣ୍ଡପରେ ମହାପ୍ରଭୁଙ୍କ ନୀତି ନିର୍ଘଣ୍ଟ ଓ ପୂଜା ହୋଇଥିଲା । ଠାକୁର ମାନଙ୍କୁ ପ୍ରଥମେ ପଞ୍ଚାମୃତରେ ସ୍ନାନ କରାଯାଇ ତା ପରେ ଅଣାଯାଇଥିବା ୧୦୮ ଗରା ସୁବାସିତ ଜଳରେ ସ୍ନାନ କରାଯାଇଛି । ସେବାୟତଙ୍କ ଦ୍ୱାରା ସମସ୍ତ ନୀତି କାନ୍ତି ସମାପନ ହୋଇଥିବା ବେଳେ ଛଳିଆ ପାହାଡ ସ୍ନାନମଣ୍ଡପରେ ଭକ୍ତ ଙ୍କ ବହୁ ସମାବେଶ ଦେଖିବାକୁ ମିଳିଥିଲା । ପାତାଳୀ କ୍ଷେତ୍ର ସହିତ ସେହିପରି ଜିଲ୍ଲାର ବିଭିନ୍ନ ଜଗନ୍ନାଥ ମନ୍ଦିରରେ ଆଜି ସ୍ନାନ ଯାତ୍ରା ସମାପନ ହୋଇଛି ।