ଆଜି ଶ୍ରାବଣ ଅମାବାସ୍ୟା, ୫ ରାଶି ପାଇଁ ବଦଳିପାରେ ଭାଗ୍ୟ!

ଓଡ଼ିଶା ଡଟ୍ ନ୍ୟୁଜ୍

ଭୁବନେଶ୍ୱର: ଆଜି ୧୨ ଅଗଷ୍ଟ ୨୦୨୬, ବୁଧବାର। ହିନ୍ଦୁ ପଞ୍ଚାଙ୍ଗ ଅନୁସାରେ ଆଜି ଶ୍ରାବଣ ମାସର କୃଷ୍ଣ ପକ୍ଷ ଅମାବାସ୍ୟା। ଭୁବନେଶ୍ୱର ପାଇଁ ଅମାବାସ୍ୟା ତିଥି ରାତି ୧୧ଟା ୦୬ ମିନିଟ୍ ପର୍ଯ୍ୟନ୍ତ ରହିବ। ଓଡ଼ିଶାରେ ଏହି ଦିନକୁ ଚିତଉ ଅମାବାସ୍ୟା ବା ଚିତାଲାଗି ଅମାବାସ୍ୟା ଭାବେ ପାଳନ କରାଯାଏ। ଅନ୍ୟ କେତେକ ସ୍ଥାନରେ ଏହାକୁ ହରିୟାଲୀ ଅମାବାସ୍ୟା ଓ ଦର୍ଶ ଅମାବାସ୍ୟା ମଧ୍ୟ କୁହାଯାଏ। ଆଜି ପୁଷ୍ୟ ନକ୍ଷତ୍ର ପରେ ଅଶ୍ଳେଷା ନକ୍ଷତ୍ର ରହିବ। ଚନ୍ଦ୍ର କର୍କଟ ରାଶିରେ ରହିବ। ଜ୍ୟୋତିଷୀୟ ମାନ୍ୟତା ଅନୁସାରେ ଏହି ଦିନ ଦାନ, ପୂଜା ଓ ପିତୃ ତର୍ପଣ ପାଇଁ ବିଶେଷ ମନେ କରାଯାଏ।

ମେଷ ରାଶି: ମେଷ ରାଶି ପାଇଁ ଦିନଟି ଭଲ ରହିପାରେ। କାମରେ ନୂଆ ଦାୟିତ୍ୱ ମିଳିପାରେ। ଅଟକିଥିବା କାମ ଆଗକୁ ବଢ଼ିପାରେ। ବ୍ୟବସାୟରେ ପୁରୁଣା ଗ୍ରାହକଙ୍କଠାରୁ ନୂଆ କାମ ମିଳିପାରେ। ଆୟର ନୂଆ ରାସ୍ତା ମଧ୍ୟ ଖୋଲିପାରେ। କୋର୍ଟ ମାମଲା ଥିଲେ ଆଇନଜୀବୀଙ୍କ ପରାମର୍ଶ ନେଇ ଆଗକୁ ବଢ଼ନ୍ତୁ।

ବୃଷ ରାଶି: ବୃଷ ରାଶିର ଲୋକଙ୍କୁ ନୂଆ କାମର ସୁଯୋଗ ମିଳିପାରେ। ଫ୍ରିଲାନ୍ସ କାମ କିମ୍ବା ସାଇଡ୍ ପ୍ରୋଜେକ୍ଟରୁ ଲାଭ ହୋଇପାରେ। କାମରେ ଆପଣଙ୍କ ଯୋଗାଯୋଗ କୌଶଳ ଲାଭ ଦେବ। ଆଇନଗତ ମାମଲା ଥିଲେ କାଗଜପତ୍ର ଭଲ ଭାବେ ଯାଞ୍ଚ କରନ୍ତୁ।

କର୍କଟ ରାଶି: କର୍କଟ ରାଶି ପାଇଁ ଆଜିର ଦିନ ବିଶେଷ ରହିପାରେ। ଆତ୍ମବିଶ୍ୱାସ ବଢ଼ିବ। ଚାକିରିରେ ନୂଆ ଦାୟିତ୍ୱ ମିଳିପାରେ। ବ୍ୟବସାୟୀମାନେ ନୂଆ ଯୋଜନା କରିପାରନ୍ତି। ତେବେ ଭାବପ୍ରବଣ ହୋଇ ବଡ଼ ଆର୍ଥିକ ନିଷ୍ପତ୍ତି ନନେବା ଭଲ।

କନ୍ୟା ରାଶି: କନ୍ୟା ରାଶି ପାଇଁ ଆୟ କ୍ଷେତ୍ରରେ ଭଲ ସୁଯୋଗ ଆସିପାରେ। ପୁରୁଣା ପରିଚିତଙ୍କ ମାଧ୍ୟମରେ ନୂଆ କାମ ମିଳିପାରେ। ବ୍ୟବସାୟରେ ନୂଆ ଗ୍ରାହକ ଯୋଡ଼ି ହୋଇପାରନ୍ତି। ଅଟକିଥିବା ଟଙ୍କା ମିଳିବାର ଆଶା ରହିପାରେ। କୋର୍ଟ ମାମଲାରେ ତରବରିଆ ନିଷ୍ପତ୍ତି ନିଅନ୍ତୁ ନାହିଁ।

ମୀନ ରାଶି: ମୀନ ରାଶିର ଛାତ୍ରଛାତ୍ରୀଙ୍କ ପାଇଁ ଦିନଟି ଭଲ ରହିପାରେ। ପାଠପଢ଼ାରେ ଧ୍ୟାନ ବଢ଼ିବ। ପରୀକ୍ଷା କିମ୍ବା ଇଣ୍ଟରଭ୍ୟୁରେ ଆତ୍ମବିଶ୍ୱାସ ବଢ଼ିପାରେ।
ମିଡିଆ, ଡିଜାଇନ୍ ଓ କ୍ରିଏଟିଭ୍ କାମ କରୁଥିବା ଲୋକଙ୍କୁ ନୂଆ ସୁଯୋଗ ମିଳିପାରେ। ଆର୍ଥିକ ମାମଲାରେ ଯୋଜନା କରି ଆଗକୁ ବଢ଼ନ୍ତୁ।

ଆଜି ସୂର୍ଯ୍ୟଗ୍ରହଣ
୧୨ ଅଗଷ୍ଟରେ ସୂର୍ଯ୍ୟଗ୍ରହଣ ମଧ୍ୟ ଘଟୁଛି। ତେବେ ଏହା ଭାରତରୁ ଦେଖାଯିବ ନାହିଁ। ଗ୍ରୀନଲ୍ୟାଣ୍ଡ, ଆଇସଲ୍ୟାଣ୍ଡ, ଉତ୍ତର ରୁଷିଆ ଏବଂ ୟୁରୋପର କିଛି ଅଞ୍ଚଳରୁ ଗ୍ରହଣ ଦେଖାଯିବ। ତେବେ ଉପରୋକ୍ତ ରାଶିଫଳ ଜ୍ୟୋତିଷୀୟ ମାନ୍ୟତା ଉପରେ ଆଧାରିତ। ଏହାକୁ ନିଶ୍ଚିତ ଭବିଷ୍ୟବାଣୀ ଭାବେ ନେବା ଉଚିତ ନୁହେଁ।