Astrology Business: ମାତ୍ର ୩ଟି ପରାମର୍ଶ ପାଇଁ ବର୍ଷକୁ ୨୫ ହଜାର! ଚର୍ଚ୍ଚାରେ ଦିଲ୍ଲୀର ଜ୍ୟୋତିଷ
ନୂଆଦିଲ୍ଲୀ: ଜ୍ୟୋତିଷ ବ୍ୟବସାୟକୁ ନେଇ ସୋସିଆଲ ମିଡିଆରେ ଏବେ ଜୋରଦାର ଚର୍ଚ୍ଚା ଆରମ୍ଭ ହୋଇଛି। ଦିଲ୍ଲୀର ଜଣେ ଜ୍ୟୋତିଷ ବର୍ଷକୁ ୨୫ ହଜାର ଟଙ୍କା ଫିସ୍ ନେଇ ମାତ୍ର ୩ଟି ୩୦ ମିନିଟ୍ର ପରାମର୍ଶ ଦେଉଥିବା ଦାବି ସାମ୍ନାକୁ ଆସିବା ପରେ ଏହାକୁ ନେଇ ଅନଲାଇନ୍ରେ ଆଲୋଚନା ଜୋର ଧରିଛି। ଏହି ଦାବି ଏକ୍ସ ବ୍ୟବହାରକାରୀ ନୀତୁ ଖଣ୍ଡେଲୱାଲ ଏକ ପୋଷ୍ଟ ମାଧ୍ୟମରେ ଶେୟାର କରିଛନ୍ତି।
ନୀତୁଙ୍କ କହିବା ଅନୁସାରେ, ସେ ଜଣେ ସମ୍ପର୍କୀୟଙ୍କ ମାଧ୍ୟମରେ ଏହି ଜ୍ୟୋତିଷଙ୍କ ବିଷୟରେ ଜାଣିଥିଲେ। ତାଙ୍କ ସମ୍ପର୍କୀୟ ନିକଟରେ ଏହି ସେବାରେ ଯୋଗ ଦେଇଥିବା ବେଳେ ନୀତୁଙ୍କୁ ମଧ୍ୟ ଏଥିରେ ସାମିଲ ହେବାକୁ କହିଥିଲେ। ନୀତୁଙ୍କ ଦାବି ଅନୁସାରେ, ପ୍ରାୟ ୧,୦୦୦ ଲୋକ ଏହି ଜ୍ୟୋତିଷଙ୍କ ସହ ଜଡ଼ିତ ହୋଇସାରିଛନ୍ତି ଏବଂ ଏହି ସଂଖ୍ୟା ଲଗାତାର ବଢ଼ୁଛି।
ଏହି ପୋଷ୍ଟ ସାମ୍ନାକୁ ଆସିବା ପରେ ଜ୍ୟୋତିଷ ବ୍ୟବସାୟର ଆକାର ଓ ଏଭଳି ସେବା ପାଇଁ ଲୋକେ କେତେ ଟଙ୍କା ଖର୍ଚ୍ଚ କରୁଛନ୍ତି, ତାହାକୁ ନେଇ ଅନଲାଇନ୍ରେ ଆଲୋଚନା ଆରମ୍ଭ ହୋଇଛି। ବର୍ଷକୁ ୨୫ ହଜାର ଟଙ୍କା ଦେଇ ମାତ୍ର ୩ଟି ପରାମର୍ଶ ନେବାର ବ୍ୟବସ୍ଥା ଏବଂ ଏଥିରେ ଜଡ଼ିତ ଲୋକଙ୍କ ସଂଖ୍ୟା ଅନେକଙ୍କ ଦୃଷ୍ଟି ଆକର୍ଷଣ କରିଛି। ତେବେ ନୀତୁଙ୍କ ପୋଷ୍ଟରେ କରାଯାଇଥିବା ଏହି ଦାବିର ସ୍ୱାଧୀନ ସତ୍ୟାପନ ସମ୍ପର୍କରେ କୌଣସି ତଥ୍ୟ ଦିଆଯାଇନାହିଁ।
