Uttarakhand Crime: “ବ୍ୟାଡମିଣ୍ଟନ୍ ଶଟଲକକ୍କୁ ନେଇ ବିବାଦ, ୯ ବର୍ଷୀୟ ବାଳକଙ୍କୁ ୧୧ ବର୍ଷୀୟ ବାଳକ ଛୁରି ମାଡ଼ କରିଥିବା ଅଭିଯୋଗ
ଉତ୍ତରାଖଣ୍ଡ: ଉତ୍ତରାଖଣ୍ଡର ଜସପୁରରେ ବ୍ୟାଡମିଣ୍ଟନ୍ ଶଟଲକକ୍କୁ ନେଇ ହୋଇଥିବା ବିବାଦରୁ ଜଣେ ୯ ବର୍ଷୀୟ ବାଳକଙ୍କ ମୃତ୍ୟୁ ଘଟିଛି। ଏକ ୧୧ ବର୍ଷୀୟ ବାଳକ ଛୁରିରେ ଆକ୍ରମଣ କରିଥିବା ଅଭିଯୋଗ ହୋଇଛି। ଖେଳୁଥିବା ବେଳେ ଶଟଲକକ୍ଟି ଏକ ଡ୍ରେନ୍ରେ ପଡ଼ିଯିବା ପରେ ଦୁଇ ବାଳକଙ୍କ ମଧ୍ୟରେ ବିବାଦ ହୋଇଥିଲା। ପରେ ଏହି ବିବାଦ ହଠାତ୍ ଉଗ୍ର ରୂପ ନେଇଥିବା ଜଣାପଡ଼ିଛି।
ଆକ୍ରମଣରେ ଛାତିରେ ଆଘାତ ଲାଗିବା ପରେ ଆହତ ବାଳକ ନିକଟସ୍ଥ ଏକ ମେଡିକାଲ୍ ଷ୍ଟୋର୍କୁ ପ୍ରଥମିକ ଚିକିତ୍ସା ପାଇଁ ଯାଇଥିଲେ। ସେଠାରେ ହଠାତ୍ ସେ ଅଚେତ ହୋଇ ପଡ଼ିଥିଲେ। ପରିବାର ଲୋକେ ତାଙ୍କୁ ତୁରନ୍ତ ହସ୍ପିଟାଲକୁ ନେଇଥିଲେ। ତେବେ ଡାକ୍ତର ସେଠାରେ ବାଳକଙ୍କୁ ମୃତ ଘୋଷଣା କରିଥିଲେ।
ଘଟଣା ପରେ ପୁଲିସ ମାମଲାର ତଦନ୍ତ ଆରମ୍ଭ କରିଛି। ଘଟଣାସ୍ଥଳରେ ଲାଗିଥିବା CCTV କ୍ୟାମେରାର ଫୁଟେଜ୍ ଯାଞ୍ଚ କରାଯାଉଥିବା ସୂଚନା ମିଳିଛି। ଘଟଣାର ପ୍ରକୃତ କାରଣ ଓ ଆକ୍ରମଣର ସମ୍ପୂର୍ଣ୍ଣ ଘଟଣାକ୍ରମ ଜାଣିବା ପାଇଁ ପୁଲିସ ବିଭିନ୍ନ ଦିଗରୁ ତଦନ୍ତ ଚଳାଇଛି।
