Telangana Crime: ଶ୍ୱଶୁର ଘରକୁ ଫେରିବାକୁ ମନା କରିବାରୁ ସ୍ତ୍ରୀଙ୍କ ନାକ କାମୁଡ଼ିଥିବା ଅଭିଯୋଗ, ସ୍ୱାମୀ ବିରୋଧରେ ମାମଲା
ତେଲେଙ୍ଗାନା: ତେଲେଙ୍ଗାନାର ମଞ୍ଚେରିଆଲ ଜିଲ୍ଲା କୋଟାପଲ୍ଲୀ ମଣ୍ଡଳରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ବୈବାହିକ ବିବାଦକୁ ନେଇ ଝଗଡ଼ା ପରେ ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କ ନାକ କାମୁଡ଼ି ଦେଇଥିବା ଅଭିଯୋଗ ହୋଇଛି। ସ୍ତ୍ରୀ ଶ୍ୱଶୁର ଘରକୁ ଫେରିବାକୁ ମନା କରିବା ପରେ ଏହି ଘଟଣା ଘଟିଥିବା ଜଣାପଡ଼ିଛି।
ସୂଚନା ଅନୁସାରେ, ମମତା ଓ ତାଙ୍କ ସ୍ୱାମୀ ମଣିଚନ୍ଦରଙ୍କ ମଧ୍ୟରେ କିଛି ଦିନ ଧରି ବୈବାହିକ ବିବାଦ ଲାଗି ରହିଥିଲା। ପ୍ରାୟ ୧୦ ଦିନ ପୂର୍ବରୁ ଉଭୟଙ୍କ ମଧ୍ୟରେ ଝଗଡ଼ା ହେବା ପରେ ମମତା ସ୍ୱାମୀଙ୍କ ଘର ଛାଡ଼ି ନିଜ ବାପା-ମାଆଙ୍କ ଘରକୁ ଚାଲିଯାଇଥିଲେ। ମଣିଚନ୍ଦର ତାଙ୍କୁ ପୁଣି ଦାମ୍ପତ୍ୟ ଘରକୁ ଫେରିଆସିବାକୁ ବାରମ୍ବାର କହୁଥିଲେ। ତେବେ ମମତା ଫେରିବାକୁ ମନା କରିଥିବା ଅଭିଯୋଗ ହୋଇଛି।
ଏହି ପ୍ରସଙ୍ଗକୁ ନେଇ ପୁଣିଥରେ ଉଭୟଙ୍କ ମଧ୍ୟରେ ବଚସା ହୋଇଥିଲା। ଅଭିଯୋଗ ଅନୁସାରେ, ଝଗଡ଼ା ସମୟରେ ମଣିଚନ୍ଦର ମମତାଙ୍କ ନାକକୁ କାମୁଡ଼ି ଦେଇଥିଲେ। ଘଟଣା ପରେ ମମତାଙ୍କ ପରିବାର ପକ୍ଷରୁ ଏନେଇ ଅଭିଯୋଗ କରାଯାଇଥିବା ଜଣାପଡ଼ିଛି। ଘଟଣାର ପ୍ରକୃତ କାରଣ ଓ ଅଭିଯୋଗର ସତ୍ୟତା ନେଇ ପୁଲିସ ତଦନ୍ତ କରୁଛି।
