Darjeeling Honeymoon: ହନିମୁନ୍ରେ ଘଟିଲା ଭୟଙ୍କର ଅଗ୍ନିକାଣ୍ଡ, ବାର୍ବେକ୍ୟୁ ନିଆଁରେ ଗୁରୁତର ଜଳିଗଲେ ଯୁବତୀ
ପଶ୍ଚିମବଙ୍ଗ: ଦାର୍ଜିଲିଂର ସିଟୋଙ୍ଗ, କୁର୍ସିଅଙ୍ଗରେ ହନିମୁନ୍ ପାଇଁ ଯାଇଥିବା ଜଣେ ଦମ୍ପତିଙ୍କ ପାଇଁ ଖୁସିର ଯାତ୍ରା ହଠାତ୍ ଦୁଃସ୍ୱପ୍ନରେ ପରିଣତ ହୋଇଛି। ଏକ ହୋମ୍ଷ୍ଟେର ବାଲକୋନିରେ ବାର୍ବେକ୍ୟୁ କରାଯାଉଥିବା ବେଳେ ନିଆଁ ହଠାତ୍ ବ୍ୟାପିଯାଇଥିବା ଅଭିଯୋଗ ହୋଇଛି। ଏହି ଘଟଣାରେ ନିକିତା ଚୋପ୍ରା ନାମକ ଜଣେ ଯୁବତୀ ଗୁରୁତର ଭାବେ ଜଳିଯାଇଥିବା ଜଣାପଡ଼ିଛି।
ସୂଚନା ଅନୁସାରେ, ହୋମ୍ଷ୍ଟେର ବାଲକୋନିରେ ବାର୍ବେକ୍ୟୁ ନିଆଁ ଲାଗିଥିବା ବେଳେ ଏହା ଆଖପାଖ ଅଞ୍ଚଳକୁ ବ୍ୟାପିଯାଇଥିଲା। ହଠାତ୍ ନିଆଁ ବ୍ୟାପିବାରୁ ସେଠାରେ ଥିବା ଲୋକଙ୍କ ମଧ୍ୟରେ ଭୟ ସୃଷ୍ଟି ହୋଇଥିଲା। ନିକିତା ଏଥିରେ ଗୁରୁତର ଭାବେ ଦଗ୍ଧ ହୋଇଥିବା ବେଳେ ତାଙ୍କୁ ତୁରନ୍ତ ଚିକିତ୍ସା ପାଇଁ ନିଆଯାଇଥିବା ସୂଚନା ମିଳିଛି।
ଘଟଣା ପରେ ଅଗ୍ନିଶମ ବିଭାଗ ଓ ସ୍ଥାନୀୟ ପ୍ରଶାସନ ପକ୍ଷରୁ ଘଟଣାସ୍ଥଳରେ ଉଦ୍ଧାର ଓ ତଦନ୍ତ ପ୍ରକ୍ରିୟା ଆରମ୍ଭ ହୋଇଥିବା ଜଣାପଡ଼ିଛି। ବାର୍ବେକ୍ୟୁରୁ ନିଆଁ କିପରି ଏତେ ଶୀଘ୍ର ବ୍ୟାପିଲା ଏବଂ ଘଟଣାରେ ହୋମ୍ଷ୍ଟେର ସୁରକ୍ଷା ବ୍ୟବସ୍ଥା କିପରି ଥିଲା, ସେନେଇ ଯାଞ୍ଚ କରାଯାଉଛି।
