Shashi Tharoor: ମୋଦୀଙ୍କୁ ଶଶୀ ଥରୁରଙ୍କ ଜନ୍ମଦିନ ଶୁଭେଚ୍ଛାରେ ଥିଲା ଭୁଲ, ସୋସିଆଲ ମିଡିଆରେ ଧରାପଡ଼ିଲା ବ୍ୟାକରଣ ତ୍ରୁଟି
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୬ତମ ଜନ୍ମଦିନ ଅବସରରେ କଂଗ୍ରେସ ସାଂସଦ ଶଶୀ ଥରୁର ତାଙ୍କୁ ଶୁଭେଚ୍ଛା ଜଣାଇଥିଲେ। ସେପ୍ଟେମ୍ବର ୧୭ରେ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଥରୁର ମୋଦୀଙ୍କୁ ଶୁଭେଚ୍ଛା ଦେବା ସହ ତାଙ୍କ ସୁସ୍ଥ ଓ ସଫଳ ଆଗାମୀ ବର୍ଷ ପାଇଁ କାମନା କରିଥିଲେ। ତେବେ ଏହି ବାର୍ତ୍ତାରେ ଏକ ଛୋଟ ବ୍ୟାକରଣଗତ ଭୁଲ ସୋସିଆଲ ମିଡିଆ ୟୁଜରଙ୍କ ନଜରକୁ ଆସିଥିଲା।
ଥରୁର ତାଙ୍କ ପୋଷ୍ଟରେ “on his 76th birthday” ବଦଳରେ “in his 76th birthday” ଲେଖିଥିଲେ। ଏହି ଛୋଟ ଭୁଲକୁ ଜଣେ ଏକ୍ସ ୟୁଜର ଚିହ୍ନଟ କରି ଥରୁରଙ୍କୁ ଜଣାଇଥିଲେ। ଥରୁର ମଧ୍ୟ ଏହାକୁ ଏଡ଼ାଇ ନଯାଇ ପରଦିନ ନିଜେ ଭୁଲ ସ୍ୱୀକାର କରିଥିଲେ।
ୟୁଜରଙ୍କ ଟିପ୍ପଣୀର ଉତ୍ତରରେ ଥରୁର ହାଲୁକା ମଜାଳିଆ ଢଙ୍ଗରେ କହିଥିଲେ ଯେ “on” ବଦଳରେ “in” ହୋଇଯାଇଛି ଏବଂ ଏଭଳି ଭୁଲ ଅନେକ ସମୟରେ ହୋଇଥାଏ। ଏହାପରେ ଥରୁରଙ୍କ ଏହି ଛୋଟ ବ୍ୟାକରଣ ତ୍ରୁଟି ନେଇ ସୋସିଆଲ ମିଡିଆରେ ହାଲୁକା ଚର୍ଚ୍ଚା ଆରମ୍ଭ ହୋଇଥିଲା।
