ନୁଆଁଖାଇ ଭେଟଘାଟ ପାଇଁ ଗଣ୍ଡ ସମାଜର ପ୍ରସ୍ତୁତି ବୈଠକ।

ସନତ କୁମାର ପ୍ରାଧନୀ

କଳାହାଣ୍ଡି,୨୦/୦୯
ନୁଆଁଖାଇ ଭେଟଘାଟ କାର୍ଯ୍ୟକ୍ରମକୁ ନେଇ କୋକସରା ବ୍ଲକ ଗଣ୍ଡ ସମାଜ ପକ୍ଷରୁ ଏକ ପ୍ରସ୍ତୁତି ବୈଠକ କୋକସରା ଧାନ ମଣ୍ଡି ଠାରେ ଅନୁଷ୍ଠିତ ହୋଇଯାଇଛି।ବୈଠକ ପୂର୍ବରୁ ଚତୁର୍ଦେଵ ବୁଢ଼ାଦେଓଙ୍କୁ ପୂଜାର୍ଚ୍ଚନା କରାଯିବା ପରେ ବୈଠକ ଆରମ୍ଭ ହୋଇଥିଲା। ଅବସରପ୍ରାପ୍ତ ଓଏଏସ୍ ଅଧିକାରୀ ମହେଶ୍ୱର ମାଝୀ ଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଅବସରପ୍ରାପ୍ତ ଶିକ୍ଷକ ରାମ ପ୍ରସାଦ ଧରୁଆ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଏଥିରେ କୋକସରା ବ୍ଲକ ଗଣ୍ଡ ସମାଜର ସଭାପତି ନନ୍ଦକିଶୋର ଧରୁଆ, ଉପ ସଭାପତି ମହେନ୍ଦ୍ର କୁମାର ଧରୁଆ, ସମ୍ପାଦକ ନେତ୍ରାନନ୍ଦ ଧରୁଆ, ସହସମ୍ପାଦକ ତ୍ରିନାଥ ପୋଟା କୋଷାଧ୍ୟକ୍ଷ ଜୟସିଙ୍ଗ ମାଝୀ ପ୍ରଶ୍ନକୁମାର ନାଏକ, ବିଦେଶୀ ଧରୁଆ, ପବିତ୍ର ମାଝୀ, ଜଗମୋହନ ନାଏକ, ନିରଞ୍ଜନ ମାଝୀ, ଚତୁର୍ଭୁଜ ମାଝୀ ପଞ୍ଚାନନ ମାଝୀ ଦୂତିଆ ମାଝୀ କାମଦେବ ପୋଟା ପ୍ରମୁଖ ଉପସ୍ଥିତ ଥିଲେ।ବୈଠକରେ ଆଗାମୀ ନୁଆଁଖାଇ ଭେଟଘାଟ କାର୍ଯ୍ୟକ୍ରମକୁ ସୁଚାରୁ ଭାବେ ଆୟୋଜନ କରିବା, ସମାଜର ସମସ୍ତ ପରିବାରକୁ ଏଥିରେ ସାମିଲ କରିବା ଏବଂ ଭାଇଚାରା, ସାମାଜିକ ଏକତା ଓ ପରମ୍ପରାକୁ ଆହୁରି ମଜବୁତ କରିବା ନେଇ ବିସ୍ତୃତ ଆଲୋଚନା ହୋଇଥିଲା। ଏଥିସହ କାର୍ଯ୍ୟକ୍ରମର ବିଭିନ୍ନ ପ୍ରସ୍ତୁତି ଓ ଦାୟିତ୍ୱ ବଣ୍ଟନ ନେଇ ମଧ୍ୟ ମତାମତ ଗ୍ରହଣ କରାଯାଇଥିଲା।