Jamui Crime: କୋଚିଂରୁ ଫେରୁଥିବା ଦଶମ ଶ୍ରେଣୀର ଛାତ୍ରଛାତ୍ରୀଙ୍କୁ ଅଟକାଇ ନିର୍ଯାତନା ଦେବା ଅଭିଯୋଗ, ଭିଡିଓ ଭାଇରାଲ
ବିହାର: ବିହାରର ଜମୁଇ ସହରରେ କୋଚିଂରୁ ଫେରୁଥିବା ଦଶମ ଶ୍ରେଣୀର ଜଣେ ନାବାଳକ ଛାତ୍ର ଓ ଜଣେ ନାବାଳିକା ଛାତ୍ରୀଙ୍କୁ କିଛି ଯୁବକ ଅଟକାଇ ନିର୍ଯାତନା ଦେଇଥିବା ଅଭିଯୋଗ ହୋଇଛି। ଅଭିଯୋଗ ଅନୁସାରେ, ଉଭୟ ଏକ ସ୍କୁଟରରେ ଫେରୁଥିବା ବେଳେ ଏକ ଦଳ ସେମାନଙ୍କୁ ଅଟକାଇଥିଲା। ପରେ ଅଭିଯୁକ୍ତମାନେ ସେମାନଙ୍କୁ ଗାଳିଗୁଲଜ କରିବା ସହ କିଛି ସମୟ ପାଇଁ ଅଟକାଇ ରଖିଥିବା ଜଣାପଡ଼ିଛି।
ଘଟଣା ସମୟରେ ଦୁଇ ଛାତ୍ରଛାତ୍ରୀ ସେଠାରୁ ଖସିଯିବାକୁ ଚେଷ୍ଟା କରିଥିବା ବେଳେ ମଧ୍ୟ ସେମାନଙ୍କୁ ନିର୍ଯାତନା କରାଯାଇଥିବା ଅଭିଯୋଗ ରହିଛି। ଏହି ଘଟଣାକୁ ଦଳର ଜଣେ ସଦସ୍ୟ ରେକର୍ଡ କରିଥିବା ବେଳେ ପରେ ଭିଡିଓଟି ସୋସିଆଲ ମିଡିଆରେ ଭାଇରାଲ ହୋଇଥିଲା। ଭିଡିଓ ସାମ୍ନାକୁ ଆସିବା ପରେ ପୁଲିସ ଘଟଣାକୁ ଗୁରୁତ୍ୱର ସହ ନେଇ ମାମଲା ରୁଜୁ କରିଛି।
ପୁଲିସ ଏବେ ଭିଡିଓ ଓ ଅନ୍ୟାନ୍ୟ ତଥ୍ୟ ଆଧାରରେ ଅଭିଯୁକ୍ତମାନଙ୍କୁ ଚିହ୍ନଟ କରୁଛି। ଏହାସହ ପୀଡ଼ିତ ଛାତ୍ରଛାତ୍ରୀଙ୍କ ବୟାନ ରେକର୍ଡ କରାଯାଇ ଘଟଣାର ସମ୍ପୂର୍ଣ୍ଣ ପରିସ୍ଥିତି ବୁଝିବାକୁ ତଦନ୍ତ ଚାଲିଛି। ଘଟଣାରେ ସମ୍ପୃକ୍ତ ଅଭିଯୁକ୍ତଙ୍କୁ ଧରିବା ପାଇଁ ପୁଲିସ ଖୋଜାଖୋଜି ଜାରି ରଖିଛି।
