Manoj Bajpayee: AI ବ୍ୟବହାରକୁ ନେଇ କୋର୍ଟରେ ପହଞ୍ଚିଲେ ଅଭିନେତା, ଫଟୋ ଓ ଭଏସ୍ର ଦୁରୁପଯୋଗ ନେଇ ଉଠାଇଲେ ପ୍ରଶ୍ନ
ମୁମ୍ବାଇ: ଅଭିନେତା Manoj Bajpayee ନିଜ ଫଟୋ, କଣ୍ଠସ୍ୱର ଓ ପରିଚୟର ଅନୁମତି ବିନା ବ୍ୟବହାରକୁ ନେଇ ଦିଲ୍ଲୀ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି। ତାଙ୍କ ବ୍ୟକ୍ତିତ୍ୱ ଅଧିକାରକୁ ସୁରକ୍ଷା ଦେବା ପାଇଁ ସେ ଅଦାଲତରେ ଆବେଦନ କରିଥିବା ଜଣାପଡ଼ିଛି। ବିଶେଷକରି AI ମାଧ୍ୟମରେ ତାଙ୍କ କଣ୍ଠସ୍ୱରର ନକଲ କରାଯିବା ଏବଂ ତାଙ୍କ ପରିଚୟକୁ ନେଇ ତିଆରି କରାଯାଉଥିବା ସାମଗ୍ରୀ ଉପରେ ସେ ଆପତ୍ତି ଉଠାଇଛନ୍ତି।
ମନୋଜ ବାଜପେୟୀଙ୍କ ଅଭିଯୋଗ ଅନୁସାରେ, କିଛି AI ଚାଟବଟ୍ରେ ତାଙ୍କ ବ୍ୟକ୍ତିତ୍ୱ ସହ ଜଡ଼ିତ ବିଭିନ୍ନ ଦିଗର ବ୍ୟବହାର କରାଯାଉଛି। ଏହା ସହିତ AI ଦ୍ୱାରା ତାଙ୍କ କଣ୍ଠସ୍ୱରର ନକଲ ତିଆରି କରାଯାଉଥିବା ଏବଂ ତାଙ୍କ ଫଟୋକୁ ବିଭିନ୍ନ ଉତ୍ପାଦର ପ୍ରଚାରରେ ବ୍ୟବହାର କରାଯାଉଥିବା ନେଇ ମଧ୍ୟ ସେ ଚିନ୍ତା ପ୍ରକାଶ କରିଛନ୍ତି।
AI ଟେକ୍ନୋଲୋଜିର ବ୍ୟବହାର ବଢ଼ିବା ସହ ଜଣାଶୁଣା ବ୍ୟକ୍ତିଙ୍କ ଫଟୋ, କଣ୍ଠସ୍ୱର ଓ ପରିଚୟକୁ ନେଇ ଏଭଳି ମାମଲା ସାମ୍ନାକୁ ଆସୁଛି। ନିଜ ପରିଚୟ ଓ ବ୍ୟକ୍ତିତ୍ୱ ଅଧିକାରର ଅନୁମତି ବିନା ବ୍ୟବହାର ରୋକିବା ପାଇଁ Manoj Bajpayee ଦିଲ୍ଲୀ ହାଇକୋର୍ଟରେ ସୁରକ୍ଷା ମାଗିଛନ୍ତି।
