Angh Movie: ନାଗାଲାଣ୍ଡ ଫିଲ୍ମକୁ ବଡ଼ ସଫଳତା, Toronto Award ପରେ Oscars 2027 ରେସ୍ରେ ସାମିଲ
ନାଗାଲାଣ୍ଡ: ନାଗାଲାଣ୍ଡର ପୃଷ୍ଠଭୂମିରେ ତିଆରି ଫିଲ୍ମ ‘Angh’ ଏବେ Oscars 2027କୁ ନେଇ ଚର୍ଚ୍ଚାରେ। ଏହି ଫିଲ୍ମକୁ ଭାରତର official Oscar entry ଭାବେ ଚୟନ କରାଯାଇନଥିଲା । ଭାରତର ସରକାରୀ ଚୟନ ଭାବେ ମରାଠୀ ଫିଲ୍ମ ‘Gondhal’କୁ ବଛାଯାଇଛି। କିନ୍ତୁ Toronto International Film Festival 2026ରେ ‘Angh’ Platform Award ଜିତିବା ପରେ ଏହି ଫିଲ୍ମ ପାଇଁ ୨୦୨୭ ଅସ୍କାରର International Feature Film ବିଭାଗରେ ପ୍ରବେଶର ରାସ୍ତା ଖୋଲିଛି।
ଏଥର Academy ପକ୍ଷରୁ ଅସ୍କାରର International Feature Film ବିଭାଗର ନିୟମରେ ପରିବର୍ତ୍ତନ କରାଯାଇଛି। ନୂଆ ନିୟମ ଅନୁସାରେ, କୌଣସି ଦେଶର ସରକାରୀ ଚୟନ ହୋଇନଥିଲେ ମଧ୍ୟ ଅଣ-ଇଂରାଜୀ ଭାଷାର ଫିଲ୍ମ ଅସ୍କାର ପାଇଁ ବିଚାରଯୋଗ୍ୟ ହୋଇପାରିବ। ଏଥିପାଇଁ Academy ଦ୍ୱାରା ନିର୍ଦ୍ଧାରିତ ୬ଟି ଅନ୍ତର୍ଜାତୀୟ ଫିଲ୍ମ ମହୋତ୍ସବ ମଧ୍ୟରୁ କୌଣସି ଗୋଟିଏର ନିର୍ଦ୍ଦିଷ୍ଟ ବଡ଼ ପୁରସ୍କାର ଜିତିବା ଆବଶ୍ୟକ। ଏହି ୬ଟି ମଧ୍ୟରେ Toronto International Film Festivalର Platform Award ମଧ୍ୟ ରହିଛି। ‘Angh’ ଏହି ପୁରସ୍କାର ଜିତିଥିବାରୁ ଏବେ ଅସ୍କାର ପାଇଁ ବିଚାର ପ୍ରକ୍ରିୟାରେ ସାମିଲ ହେବାର ଯୋଗ୍ୟତା ପାଇଛି।
ନିର୍ଦ୍ଦେଶକ Theja Rioଙ୍କ ଫିଲ୍ମ ‘Angh’ର କାହାଣୀ ୧୯୬୦ ଦଶକର ନାଗାଲାଣ୍ଡକୁ ନେଇ ଗଢ଼ାଯାଇଛି। ଏଥିରେ ଜଣେ ପୂର୍ବତନ ଗାଁ ମୁଖିଆ ଓ ତାଙ୍କ ପୁଅଙ୍କ ଜୀବନକୁ ଦେଖାଯାଇଛି। ପୁରୁଣା ପରମ୍ପରା, ବିଶ୍ୱାସ, ସାଂସ୍କୃତିକ ପରିଚୟ ଓ ବଦଳୁଥିବା ସମାଜ ମଧ୍ୟରେ ସେମାନଙ୍କ ଜୀବନରେ ଆସୁଥିବା ପରିବର୍ତ୍ତନ ଫିଲ୍ମର ମୁଖ୍ୟ କାହାଣୀ। ‘Gondhal’ ଭାରତର ସରକାରୀ ଚୟନ ଭାବେ ରହିଥିବା ବେଳେ, Torontoର ସଫଳତା ଯୋଗୁଁ ‘Angh’ ମଧ୍ୟ ୨୦୨୭ ଅସ୍କାରର International Feature Film ବିଭାଗରେ ନିଜର ଦାବି ରଖିବାର ସୁଯୋଗ ପାଇଛି। ତେବେ ଏହା ଏପର୍ଯ୍ୟନ୍ତ ଅସ୍କାର ନାମାଙ୍କନ ପାଇଛି ବୋଲି ଅର୍ଥ ନୁହେଁ।
