US Aid for Nepal: ବନ୍ୟା ପୁନରୁଦ୍ଧାର ପାଇଁ ନେପାଳକୁ ଆମେରିକା ଦେବ ୩୧ ମିଲିୟନ ଡଲାର, ଉଦ୍ଧାର କାର୍ଯ୍ୟରେ ଡ୍ରୋନ୍ ବ୍ୟବହାର
ନୂଆଦିଲ୍ଲୀ: ନେପାଳ ବନ୍ୟା ପରେ ପୁନରୁଦ୍ଧାର କାର୍ଯ୍ୟରେ ନେପାଳକୁ ସହାୟତା କରିବା ପାଇଁ ଆମେରିକା ୩୧ ମିଲିୟନ ଡଲାରର ପାଣ୍ଠି ଘୋଷଣା କରିଛି। ଏହି ଅର୍ଥରେ କ୍ଷତିଗ୍ରସ୍ତ ଅଞ୍ଚଳରେ ସେତୁ ନିର୍ମାଣ, ପ୍ରଭାବିତ ସମୁଦାୟଙ୍କୁ ସହାୟତା ଏବଂ ଭବିଷ୍ୟତରେ ବିପର୍ଯ୍ୟୟ ପରବର୍ତ୍ତୀ ଉଦ୍ଧାର ଓ ପୁନରୁଦ୍ଧାର କାର୍ଯ୍ୟ ପାଇଁ ଡ୍ରୋନ୍ର ବ୍ୟବହାର ଭଳି କାର୍ଯ୍ୟ କରାଯିବ।
ମଙ୍ଗଳବାର ନ୍ୟୁୟର୍କରେ ଜାତିସଂଘ ସାଧାରଣ ସଭା ଅଧିବେଶନ ଅବସରରେ ନେପାଳର ବୈଦେଶିକ ମନ୍ତ୍ରୀ ଶିଶିର ଖନାଲଙ୍କ ସହ ଆଲୋଚନା ପରେ ଆମେରିକାର ରାଜନୈତିକ ବ୍ୟାପାର ଅଣ୍ଡର ସେକ୍ରେଟାରୀ ଆଲିସନ୍ ହୁକର ଏହି ଘୋଷଣା କରିଛନ୍ତି।
ଆମେରିକାର ଏହି ସହାୟତା ବନ୍ୟା ପ୍ରଭାବିତ ଅଞ୍ଚଳର ପୁନର୍ନିର୍ମାଣ ସହ ପ୍ରଭାବିତ ଲୋକଙ୍କୁ ସହାୟତା ପହଞ୍ଚାଇବାରେ ବ୍ୟବହାର ହେବ। ଏହା ସହିତ ଭବିଷ୍ୟତରେ ପ୍ରାକୃତିକ ବିପର୍ଯ୍ୟୟ ସମୟରେ ଉଦ୍ଧାର ଓ ପୁନରୁଦ୍ଧାର କାର୍ଯ୍ୟକୁ ଅଧିକ ପ୍ରଭାବଶାଳୀ କରିବା ପାଇଁ ଡ୍ରୋନ୍ ଭଳି ପ୍ରଯୁକ୍ତିର ବ୍ୟବହାର ଉପରେ ମଧ୍ୟ ଗୁରୁତ୍ୱ ଦିଆଯିବ।
